夢工房西日料理 (已結業)

前陣子工作忙，好耐無同朋友見面, 呢排終於忙完可以約埋一班好朋友食個飯同傾下計，為遷就大家，去葵芳區係最好，食店多，又可以行住街等人，返屋企又方便。朋友係放題狂，所以擇左黎夢工房， 上次我來的時候還沒有磯燒的， 真的驚喜!除左磯燒海鮮之外，同一般放題一樣，都係好多選擇，自己寫紙仔落單，今次沒有漏單的情況。磯燒海鮮的素材十分新鮮， 把海鮮放上烤爐上燒，海鮮的香味慢慢散發出來，令人欲罷不能。大蝦真的好大只，而且肉質嫩滑濕潤，味道鮮香，啖啖肉，好食; 另外燒帶子亦都唔錯，蟹蓋味噌燒是整個充滿着蟹膏與及海水的香味，差不多熟的時候把蛋混和，攪拌一下之後再烤一會便成， 味道一流， 必吃！燒菠蘿超多汁，而且亦都好甜！燒蠔係熟食來的，蠔身不太大，芝士絕不手緊！炸蝦天婦羅炸得很鬆脆，上枱嘅時候要即食， 蕃薯和南瓜超甜。然後到炸物，有我最中意食嘅炸流心紫芋丸同埋燒雞翼，兩款都好美味由於今次一開始食左磯燒，所以無食到刺身，有點可惜!飲品櫃滿滿的，很多飲品選擇呢，仲有甜品，櫃選擇都好多，豆腐花，布丁，雪糕雪條同樣都好多選擇。