拉麵Jo (已結業)

上次星期六晏就黎圓方見呢間餐廳都幾多人排隊，感覺應該唔錯。weekdays夜晚過黎食飯，身為拉麵控🍜嘅我，見當時冇人排隊之餘仲有空位，是以就決定好要食呢間😼。 我叫左一碗味噌拉麵，未講味道之前，先講講presentation，一般拉麵店都會用黑色嘅碗黎載住啲麵，但呢間卻用白色嘅碗，拉麵一上檯我已經對佢嘅印象分打曬折扣😥。喺味道方面，比起過往食過嘅拉麵，我覺得真係幾一般，難聽啲係唔好食😰...一般到我唔知點形容好。湯底就好似平時屋企煮即食拉麵嗰隻味，唔係難食嘅，但即食拉麵一碗先幾蚊，呢到賣$8x-9x，性比價低左啲wor🤔 食完之後我有啲跌眼鏡👓，上次見咁多人排隊仲以為會好好食，原來麻麻地㗎咋，唔會有take 2😪🙇🏻