26
43
25
港鐵九龍站 C2 出口, 步行約1分鐘 繼續閱讀
所有分店 (3)
電話號碼
21968208
開飯介紹
拉麵湯頭濃而不膩,味噌口感醇厚,麵條則由工場每天新鮮製作,獲得不少食客好評。 繼續閱讀
營業時間
今日營業
11:00 - 22:30
星期一至日
11:00 - 22:30
付款方式
Visa Master AlipayHK 支付寶 現金 八達通 AE 銀聯 JCB 微信支付
其他資料
網上訂座
賞訂座積分
以上資料只供參考, 請與餐廳確認詳情
食評 (127)
等級3 2022-08-12
0 瀏覽
你好,作為你哋開店就已經開始捧場嘅粉絲,頭先我啱啱食完一碗令我非常之失望嘅拉麵,想喺呢度同你地分享吓我嘅感受。記得我個一次食拉麵Jo嘅時候,香港仲未好興食拉麵,算係個風潮啱啱開始,嗰陣你哋老闆仲喺bar枱幫手,好謙虛好勤力嘅後生仔,印象非常好。熱辣辣嘅拉麵一上枱,食完兩啖之後我就愛上咗,如果冇記錯,你哋係第一間我會食晒連湯都飲埋嘅拉麵店。第二次食,叫埋朋友嚟,大家都好欣賞,讚口不絕,估唔到你哋連餃子都幾出色。我再一次飲晒成碗湯。好快你哋就拎米芝蓮,我都不停同朋友講話呢間拉麵店好正,覺得你哋實至名歸。因為搬咗屋,所以越嚟越小食。呢幾年,更加多過江龍過來香港開分店,但你哋仲有年年拎米芝蓮推介,同時你哋都開咗分店,雖然少咗幫襯,但我都為你哋感到驕傲,間唔中都會懷念去你哋舖頭食拉麵嘅時光。上次食嘅時候已經係上年,都係圓方分店,食咗蟹拉麵,湯底非常之咸,每食兩啖麵就飲一啖水,但係麵質、湯嘅整體同埋蟹等配料都係水準之內,食完我好滿足,仍然會想再次支持你哋,不過係我第一次飲唔晒你哋啲湯。今日我去圓方分店,叫咗蒜油拉麵,今次係唯一次連麵都冇食晒,但我明明好肚餓。個湯,稀到一個點,豬骨味冇,得個咸味蒜油又唔香麵質好一般,仲隱約食到用水烚面嘅嗰啲水嘅味最可怕係塊叉燒有啲怪味,類似雪藏味嘅嘢食到尾個湯越嚟越咸。最後我已經唔想再食落肚,第一次冇食晒首先食拉麵最重要之一係一杯冰凍嘅水,但今日嘅你哋,打住拉麵jo口號,賣成十款飯,十幾款小食,枱上面得返熱茶一杯當其他拉麵店都好費盡心思繼續去挑戰自己,而你哋就將拉麵店變成日式料理店,好味都冇所謂,最衰係唔好味,仲要勁貴,連埋加一食最平碗拉麵都近一百蚊,完全唔值,我覺得我返屋企煮出前一丁嘅滿足感仲大我好失望,食完好空虛。唔知係因為轉咗手,定係廚師嘅水準唔夠,定係你哋管理不足,總之今次之後,已經令我對呢個品牌失去信心,我諗我唔會再幫襯多次。希望你哋可以改進,對得住你哋米芝蓮嘅名號。 繼續閱讀
(以上食評乃用戶個人意見 , 並不代表OpenRice之觀點。)
等級3 2022-08-11
0 瀏覽
我係附近番工, 本身都有同事話唔好食, 星期六同另一個同事膽粗粗去試下, 睇下有幾唔好食定係個同事口味唔同。。。。。。我叫左特製蒜油豚骨拉麵, 個同事叫左醬油拉麵, 加碟餃子。。聞係聞到少少蒜味, 但係個湯飲落一D蒜味都無, 仲要勁咸 同事果碗都一樣, 得個咸字。。。。。個湯已經衰左, 個麵幾好食都唔會再食不過個麵其實係普通到, 我覺得似係超市買個凍櫃拉麵自己煮咁, 唔彈牙, 個豚肉好大陣豬味, 我唔鐘意果陣豬味。。但係肥瘦黎講, 都算平均, 口感唔錯。。餃子又係出事 個皮好薄, 不過好少餡 食完呢碗麵, 我係飲左喪多水, 坐低比果杯茶係得半杯, 見佢地好忙咁, 唯有番公司先勁飲水 繼續閱讀
(以上食評乃用戶個人意見 , 並不代表OpenRice之觀點。)
有朋友推介過這間拉麵,話有機會一定要試試,平時好少去圓方,今日四點經過,見到冇人買到,可以直入,就入去試下。叫咗兩樣嘢,一麵一飯。低温叉燒拉麵,$118另加一,賣相一流,碗面舖滿叉燒。習慣逢係食麵,先飲啖湯,唔識分係咪自家淆製,還是係買現成湯料,豬骨湯底普普通通,比較淡口。再食一啖叉燒,比一般日式叉燒嫩滑,但沒有醬油色及醬油味,切得比較薄沒有口感。糖心蛋做得好好,生熟程度啱啱好,蛋白有濃厚醬油味,值得一讚。有幾條筍,沒有噏味,有醬油味,竟然全碗麵最好食就係筍。唔知有冇得另外 order🤔😂😂😋面底係直身幼麵,沒有覺質感,亦不掛湯,not my favour. 食完始終覺得碗麵總係差啲嘢,諗咗好耐,原來係冇芝麻,唔知係佢嘅特色還是係預咗你另上🤔炸雞鰻魚明太子丼,$89另加一。一來到,第一個感覺就好細碗,飯得少少,3舊雞,2兩塊仔鰻魚,一隻糖心蛋,另上面豉湯。個麵豉湯煲咩麵豉味,淨係得啲醬油味,唔合格。炸雞細細嚿,但炸得幾好,外脆內軟,juicy,林上明太子汁,食唔到明太子味,淨係得沙律醬味,整體炸雞質數算係中上。鰻魚比較淋身,冇咩彈力,差少少。糖心蛋好好味,蛋黃夠流心,蛋白都入味,正!飯比較林,麻麻地,珍珠米又冇咩香味。輪到講服務,認真麻麻地。舖位比較細,分開咗兩邊,非繁忙時段,大約七八成 full。入去坐左手邊,叫極都冇人理;見到counter入面有廚師定係助理,叫佢幫手搵 waiter 都冇理我哋。行咗去間舖右邊,話我想叫嘢食她才安排過其他位給我地。因為未幫襯過,問下佢有咩推介,他淨係指住個餐牌叫我哋自己揀。之後攞水又要叫兩次,攞兩個碗仔又叫咗三次;想埋單揮手叫入,睇到都唔行埋嚟,呢啲所謂服務要收加一服務費真係覺得有點兒那個。埋單$228,呢個價錢,喺圓方食嘢都算平,唔知其他店舖是否同價?總結都係........ .下次唔會嚟🤦 繼續閱讀
(以上食評乃用戶個人意見 , 並不代表OpenRice之觀點。)
等級3 2022-08-05
0 瀏覽
好少可夜晚會食拉麵當晚餐,嚟到呢個商場嘢食唔算太多選擇,因為比較貴所以去咗食呢間拉麵店,呢間拉麵店座位唔算太多,佢有一邊係坐吧枱嘅,另一邊就係有卡位枱,但卡位都係二人枱嚟嘅啫。咁坐低咗冇耐,我同朋友見到有個二人套餐,套餐來講都算係抵食嘅,$300左右有兩個拉麵,再加多兩個小食。我哋叫咗個蒜味拉麵,同埋一個魚湯嘅拉麵,再加咗個明太子煎蛋同埋餃子。分量方便係非常足夠嘅,而拉面嘅軟硬度我覺得係比較硬身少少,明太子煎蛋明太子份量都好足夠,唔會偏鹹,餃子就醬料非常之充足,仲有好多芝士醬添。 繼續閱讀
(以上食評乃用戶個人意見 , 並不代表OpenRice之觀點。)
平時都唔係啲無理嘅客人但呢間嘢真係令到我嬲到核爆叫咗一個飯一個拉麵一個沾麵點餐嘅時候話沾麵要等10分鐘然後過咗20分鐘都淨係得個飯到咗問個waiter叫佢跟跟張單 已經等咗double時間 佢都仲笑笑口話要我等耐啲嘅然後無動於衷已經眼見隔離嗰台遲過我哋嚟都食完 另外有枱成 10個人嚟都已經開始食緊我隔5分鐘又問佢啲嘢嚟末 隔離遲過我哋嚟到食完啦啲待應們都仲係行行企企 有個仲大大聲話 「而家呢啲繁忙時間廚房啲單好多㗎」嘩 我咪駁返佢我哋嚟先架喎好啦ok到咗30分鐘個陣個沾麵終於嚟我再問個待應咁個拉麵幾時嚟佢哋先話「係咩仲有個拉麵咩」嘩最後40分鐘個拉麵上到完全feel到個拉麵係 3分鐘極速烚熟就上枱 硬過我條命個湯就淡如水然後就成肚氣趕時間食咗佢直到埋單為止都有人同我講句一句道歉呢啲係乜嘢嘅服務態度就算係茶餐廳都唔可以接受何況係喺elements 繼續閱讀
(以上食評乃用戶個人意見 , 並不代表OpenRice之觀點。)