順德漁鮮酒家 (已結業)

炸野係好熱氣，冒住生瘡既危險，都係要趁熱食😁椒鹽夠咸，炸皮夠薄，豆腐夠滑，尺寸適中，份量夠多🤓講完，開動 🙌🏻🙌🏻咩叫正宗，唔洗多諗。正宗就係眼前👉🏻👉🏻煎釀三寶山👈🏻👈🏻咬到係鯪魚既真心，而唔係味精同鷹栗粉既虛情假意。有3吋茄子做配角，一磚過既豆腐做佈景，蒸魚豉油做武指，正宗就練成😡😡😡 不過你無十個人千祈唔好亂咁挑戰，如果唔係，你就要犧牲第二日既午餐，或者係晚餐，同佢作戰多一次，甚至更多次。