台灣麵 (已結業)

啱啱放工，一個人喺太子周圍揾野食，行到始創中心附近，諗起始創中心有好多野食，所以就去望下，去到地下果層，見到有紅燒牛肉麵食，就入去試下。見到個餐牌有好多台灣地道小食同飯同麵可以揀，例如:魯肉飯，牛肉麵，肉燥麵/飯等等。蚵仔煎 ($48)，幾大份，煎得唔錯，加埋D汁都幾香!原味牛肉米粉 ($58)，份量都幾大，有好多塊牛肉，米粉份量都多，幾有質感，爽爽地野飲選擇好多，有好多台式飲品可以揀，最後簡簡單單，叫咗杯豆漿($16)。