Mr. Crab by The Captain's House (已結業)

放假訓到好晏先起身，想慢慢歎返個late lunch~行過灣仔莊士敦道，見到呢間好特別既Mr. Crab by The Captain's House。除左有招牌美國新奧爾良海鮮袋，週末仲有Brunch Set，選擇都幾多，有全日早餐、漢堡、意大利飯、卡邦尼意粉、仲有egg benedict、西班牙蛋餅等等。Brunch Set包一杯餐飲，亦可加錢升級飲品或餐湯、甜品。唔算好肚餓，同朋友每人叫一個SET加杯咖啡。蟹肉卡邦尼扁意粉醬汁濃滑夠哂CREAMY，絲絲蟹肉彈牙又爽口，意粉煮得剛好，煙韌有嚼勁，仲有惹味香濃煙肉碎，正。流心芝士牛肉漢堡大大塊厚切漢堡扒，充滿濃郁肉味，肉質鬆軟多汁，搭配軟滑流心芝士醬，口感層次豐富，勁滿足!伴碟仲有清新沙律和香脆薯片。飲品揀左Latte同Cappuccino，拉花好有心思好靚，奶泡綿密幼滑，咖啡好香醇。