Burgeroom (美麗華廣場1期) (已結業)

同朋友去尖沙咀美麗華行街，見到呢間餐廳俾佢吸引咗，决定入去試一試。餐廳環境好好，坐位好闊落，行工業風。餐廳提供好多款burger，有牛肉，雞，魚，海鮮同素肉等等，仲有好多款小食，包括薯條，雞翼等等。如果想食健康d，仲有沙律可以選擇。我同朋友都係burger愛好者，我地叫咗2個burger同1個薯條share食。~~蜜糖芥茉大烤菇煙肉牛肉漢堡餐廳好好，個包已經幫我地切開咗一半，方便share，個包好大，有好多配料，有生菜，蕃茄等等。食落都好新鮮。牛肉好厚身，充滿肉汁。大烤菇食落好juicy。加埋芝士同蜜糖芥茉醬，令成個包更惹味。~~軟殼蟹漢堡軟殼蟹好大隻，炸得好香脆，啖啖肉。加埋個醬汁，口感一流。~~芝士旋風薯條新鮮炸起，熱辣辣。食落好香脆，加埋d芝士，好鬼正。另外，員工好體貼，見到我同朋友食burger，食到隻手污糟咗，主動拎濕紙巾俾我地。