Burgeroom (美麗華廣場1期) (已結業)

隔左一排無食burger，今日係附近睇完戲心血來潮想食，於是就黎burgeroom。已經唔係第一次幫襯，對上一次係係銅鑼灣，食完都有番尋味既感覺。尖沙咀店同銅鑼灣店係兩個風格，呢間既空間更大，座位更多，但就無outdoor area。佈置帶點美式風格。🍔《煙肉牛肉芝士漢堡》$90漢堡好大個，牛肉好厚身，食落都幾juicy，唔乾👍🏻而且可以咬到牛肉碎粒，口感幾好😋😋配上煙肉同芝士，層次好豐富👍🏻🍔《菠蘿燒烤汁雞柳漢堡》$92雞柳煎得幾香，但略嫌入面唔夠味，不過菠蘿香甜多汁，蕃茄又係好多汁，所以食起黎都幾滋味，燒烤醬再多啲就更好。🍟《粗薯條》$28好鐘意食粗薯！薯味更濃，而且表面仲有保留左部分薯仔皮，感覺更天然🤣即叫即炸，外皮脆口，食到停唔到呀👍🏻👍🏻🐠《魚手指配他他醬》$48同樣即叫即炸，外皮十分酥脆😋入面既魚柳食落好有肉汁，不過食既時間皮肉分離。