Fûhn (The L. Square) (已結業)

最近天氣潮濕，悶在家又成個星期落雨，連食慾都好似被影響，男朋友提議食越南菜開下胃真的合晒我心。因為疫情大家都好怕三唔識七同枱食飯，店家深明尼個顧慮，一上去就見枱與枱之間有他們自製的隔板，感覺安全左少少。雖然說沒什麼食慾，但menu太吸引結果還是點了不少哈哈^^ 我們叫了個L size生牛肉崩沙腩湯河，2人小食併盤同熟蝦米紙卷。牛河的配搭和選擇都不少，本來想叫XL但好彩看到隔離個碗大得誇張最後只叫了L。湯底清清地唔肥有牛味，而且一上枱生牛肉仲係帶小小生唔會熟晒，浸落熱湯度再食還有嫩滑感，崩沙腩也好有彈性～ 至於2人小食併盤有蒜蓉牛油雞翼、炸蝦餅、炸春卷，全部都好香口，蒜蓉牛油雞翼上面灑滿了滿滿的脆蒜，雞翼都炸得好脆唔會乾；炸蝦餅入面大大隻蝦，好厚身彈牙；炸春卷都好鬆化！熟蝦米紙卷比我們想像的大卷，一口食不下，包了很多檬粉，如果蝦比例多D同加埋香草葉會更好食～ 最後牛油果smoothie好好飲，好香濃順滑，有驚喜！