炑八韓烤 (黃大仙中心南館)

營業中

休息中

喺黃大仙附近見完客，諗住約住喺附近嘅姑姐食個快閃dinner 先走，原來黃大仙中心好多餐廳，一見倒炑八燒烤大家都二話不說就決定食！餐廳喺正地鐵站上蓋，喺門口已經聞倒陣陣烤肉味！裝潢以傳統韓燒設計，座位濶落舒適，點完菜就會送上最鐘意嘅🥬韓式泡菜、蘿蔔等小食！今次仲多左個魷魚遊戲裡面嘅糖餅挑戰！挑戰成功會免費送出豬五花一碟！太正啦～有得玩仲有得食！menu 方面，11月已出聖誕節限定大大份燒肉套餐！有我食過勁好味嘅🥩月見和牛套餐同🍖名品大王豬扒套餐兩種！🌙聖誕月見和牛奇妙套餐 $698主角係巨型嘅月見和牛肩肉扒，上次店員介紹過，上肩肉即使係牛腿上半部份，所以肉質特別脂香肉嫩，入口香濃惹味！肉質感比例平均！套餐跟左溫泉蛋同特製醬汁，燒好肉再點上一齊食！令口感更柔滑！必點之選！🍴套餐仲有牛舌、豬肋肉、蔥蒜牛五花、牛小排、韓牛前胸肉、雜菇🍄同南瓜等，牛小排同韓牛前胸肉保持水準一樣咁好味！份量仲好足！最驚喜係厚切豬肋肉，勁juicy而不肥膩，入口彈牙爽口！蔥蒜牛五花同樣出色！蔥蒜唔會搶左牛肉嘅香！另外一提，爐邊嘅🌽粟米芝士、泡菜蛋同生菜🥬仲可以無限任加添！真係超級正！