121
26
5
港鐵黃大仙站 D2 出口, 步行約1分鐘 繼續閱讀
所有分店 (21)
電話號碼
26171363
開飯介紹
人氣韓國燒烤店,招牌為燒韓牛,當中以肩胛肉及護心肉最為推薦。 繼續閱讀
營業時間
今日營業
11:30 - 23:30
星期一至日
11:30 - 23:30
付款方式
Visa Master 現金 AE
其他資料
網上訂座
酒精飲品
賞訂座積分
加一服務費
有關獎賞計劃
食評 (183)
等級4 2019-06-13
2199 瀏覽
炑八是一間連鎖韓式燒烤餐廳,在尖沙咀、太子、銅鑼灣等各有分店,而黃大仙這家店很寬敞,有卡座又有長枱,適合三五知己或大夥兒聚會,今天我們就約了十二人到來跟兩位壽星女慶祝生日。打開餐牌,豬肉、牛肉、雞肉各部位單點,也有拼盤選擇,朋友是熟客,由她們發辦吧。朋友已儲了一些印花卡,部分食物有優惠,紫菜包飯、甜辣炸雞、醬油蟹、韓牛拼盤,再點一些皇牌推介,非常豐富。先來沙律新鮮爽脆,加了點橘子提味更清爽,令比較油膩的烤肉來得舒適。除韓式前菜外,店員亦立刻放上芝士粟米及泡菜蛋,都是無限添加的。飲品選了柚子冰茶,壽星女則贈送了草莓飲品。醬油蟹,由韓國直送的藍蟹,到港後再加醬油醃製,蟹肉吸收了醬油的香氣,連蟹黃一起吃,味道甘香,因為是全生的,口感軟黏,不喜歡吃生的朋友要留意。店子提供有骨及無骨炸雞,要啖啖肉則選了原味無骨炸雞,韓式炸雞的確優勝,脆口無多餘油份,甜辣炸雞加了醬汁,味道更豐富。紫菜包飯也不欺場,材料豐富,味道鮮美。店員端上烤肉食材,韓牛拼盤、霜降牛小排、韓式梨汁雞肉、蔥蒜雞肉、炑八特製護心肉等,韓牛有牛味,梨汁已軟化雞肉纖維,肉質軟嫩,燒蔥蒜雞要留意,比較搶火容易燶。如果想效果比較理想,可以請店員幫忙,店員友善勤快,服務一流。炑八厚切五花腩,慢火燒得金黃,滿口脂香。炑八特製牛肋骨醃得入味。炑八特選五花肉,肉味香濃,早利亞喜歡用生菜包著,配泡菜或大豆芽等,口感及味道更加豐富。處理長度有23-25厘米,經10天熟成再用味噌及醬汁醃製的王者牛肋骨需要一些技巧,還是請店員幫忙,半生熟多麼誘人,以韓國梨蓉、洋蔥、蒜蓉、麻油及醬油等材料醃製10小時,肉質鬆化入味,成品多吸引。原條釜山鰻魚是店子特色之一,跟本地鰻魚質感有別,店員燒至金黃,皮脆肉嫩,香口非常。最後貪得意點了醬油豬皮,部分朋友怕肥膩,但早利亞覺得沒有想像的肥膩感覺,豬皮去毛很乾淨,口感帶點靭性有膠質,口內充滿骨膠原,記得不要放涼,口感會變差的。就這樣吃了很多特色菜及不斷添加芝士粟米及泡菜蛋,店員雖忙得不可開交,但對我們要求都一一做到,很開心的一晚。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-05-15
797 瀏覽
話說好耐冇食過韓燒,上網搵黎搵去都唔知邊間好,聽講呢度嘅味道最正宗,最似接近韓國味道,所以嚟咗試吓!雖然呢度好多套餐但係我都係鍾意散叫多啲,先來一杯草莓梳打解下渴!首先店員就送上柚子沙律同埋青菜仔仔勁鍾意嗰件哈哈笑紅蘿蔔🥕覺得好可愛😄點好烤肉之後店員就會開爐,而爐兩邊分別有泡菜蛋同埋芝士粟米,兩個仔仔都勁鍾意芝士粟米,最正係無限添加架😍仲有四款前菜,分別有泡菜、酸蘿蔔、海帶絲同埋大豆芽,個人最鍾意好似中華沙律既海帶絲😍必點既果汁牛肋骨,上面仲有兩隻大蝦同埋一片菠蘿🍍燒菠蘿好好味呀,用梨汁醃過嘅牛肋骨甜甜地又好重牛味,真心勁正😍大蝦都算大隻,蝦味濃郁韓式梨汁雞肉都好好味!雞肉好滑,小朋友好鍾意食😍厚切上等鹽烤牛舌好有咬口,味道唔錯!霜降牛小排,油花分布均勻,快烤食得!牛味超濃,入口即溶!冇得輸👍🏻豬五花肉,個人覺得呢個真係太厚,好難燒得熟....以後都不會再叫了整體來講都算好食,店員熱情,而且食完唔會成身一陣燒烤味!值得再去! 繼續閱讀
(以上食評乃用戶個人意見 , 並不代表OpenRice之觀點。)
等級2 2019-10-07
31 瀏覽
平時 鍾意食燒肉,之前有食過晚餐肉嘅質素都非常好係有幾少少貴今日經開見到有午餐優惠,午餐比晚餐平好多,一嚟就已經會有小菜同贈送叫咗個A b c set同五花牛肉 set加多$25轉蟹膏拌飯 如果唔想加就會有白飯個人好鍾意食蟹膏拌飯,蟹膏超多配上紫菜好好食 必試雖然午餐但係肉嘅質素都同晚餐一樣分量唔算太多但一個人食一定夠飽五花肉本身都有調味👌🏻 唔使加其他調味都可以 食食吓有啲油膩仲有生菜可以包解解膩 繼續閱讀
(以上食評乃用戶個人意見 , 並不代表OpenRice之觀點。)
餐廳座位多,坐得舒服。#炸雞去完韓國,一直好掛著韓國炸雞,點辣醬尤其好食呢到價錢算適中,而味道又唔差。#泡菜芝士炒粉絲豬肉份量唔多,芝士要快手趁熱炒,唔係好快變一patpat,我個人覺得炒粉絲間間味道都差唔多,一定唔會難食 繼續閱讀
(以上食評乃用戶個人意見 , 並不代表OpenRice之觀點。)
等級3 2019-09-19
145 瀏覽
是晚週二與友人在黃大仙先搵食, 唔想太麻煩左搵右搵, 搵間可以食肉無澱粉質嘅餐廳, 不如就去食韓國燒烤喇, 黃大仙鬼乸咁多人口嘅地方, 其實食有韓國野食嘅餐廳唔多, 炑八係其中嘅一間, 其實就食過佢好多, 就因為近排返富臨集團嘅風潮底下, 佢公司做緊7折優惠, 變相抵食咗好多, 今晚一行三人叫咗兩樣野食, 一杯特飲, 埋單307, 非常底玩。煎蛋煎芝士一般貨式, 無甚驚喜, 人有我有咁囉, 唔洗另外加錢沙律, 生菜沙律就係正常嘅胡麻沙律, 自己屋企整都係咁嘅味咖喇生菜就恐佈咗啲, 絶大部份都係比啲芯位你, 無咗生菜汁包裹着烤物, 令到烤物食味提升的作用, 為做以做, 重要比啲垃圾食客, 都唔知佢哋怇想點泡菜正正常常香港食到嘅泡菜味韓牛貝身肉依個正價成為HKD228, 得果9片, 非常唔抵食, 咁貴我以為係橫城牛, 結果一食牛味唔濃, 咬落質感小彈牙, 一定唔係橫城牛, 但肉汁都叫做多, 可以唔試五花腩依個五花腩係厚切嚟咖, 服務員會過嚟主動幫我哋燒埋, 五花腩嘅肥瘦比例幾好4:6, 食落有豬油香同少少軟骨位, 不錯。席間我哋一行三人, 但其實一個係無食過野, 實質就2個人食咗307蚊, 7折後係抵食嘅, 又唔會太差, 係嘅配菜唔知佢想點, 人有佢有, 但唔知有嚟做乜, 放得上枱就係預食客會食用, 以唔係做裝飾, 希望高層留意下。 繼續閱讀
(以上食評乃用戶個人意見 , 並不代表OpenRice之觀點。)