Burgeroom (美麗華廣場1期) (已結業)

呢間漢堡包非常出名，已經聽過好多次啦！不過一路都冇機會去食，咁啱約咗朋友去食漢堡，終於可以試呢間！佢哋有好多款唔同嘅選擇，除咗牛之外都仲有雞、豬同埋素，我就揀咗最基本嘅芝士牛肉漢堡，估唔到會咁大個！本身仲諗住攞住食，發覺一口咬真係咬唔到，於是都係用刀叉😂 牛肉都幾多汁，肉味重，加埋半溶芝士無得輸啦！ 配料仲有蕃茄、生菜等，加埋醬汁，整體來講都幾出色！仲同朋友嗌左個芝士薯條，不過冇影到相～ 呢個就正常發揮啦，唔係特別香脆，但分量都算多嘅！