Burgeroom (美麗華廣場1期) (已結業)

同老公去完日本旅行,係當地餐餐都食壽司呀,拉麵呀,好想好想食漢堡包之類既野,有同事就介紹尖沙咀有間叫"Burgeroom"既都幾好食,價錢又唔貴,於是lunch time既時候叫老公book今晚去拆返餐。去到間餐廳都幾多人幫襯,睇落去都信得過咁,坐低左就即刻諗下想食乜野,由於都幾多選擇,我地都諗左好一陣,最後叫左菠蘿煙肉牛肉漢堡,牛油瓜醬芝士雞柳漢堡,黑松露芝士薯條,蜜味辣雞翼。想講講牛肉好juicy,加埋波蘿同蕃茄,酸酸甜甜,非常咁配,好鬼醒胃。雞柳煎得好香脆,牛油果醬又好特別。黑松露薯條即頭係my favourite,黑松露醬好香濃,值得推介。蜜味辣雞翼非常入味,食到停唔到口。下次都會再encore。