Dionysus (已結業)

由細到大都係大埔友，一直都無乜好西餐，嚟嚟去去陳x記新街市豬扒三多......都無乜好西！咁啱經過懷仁街，發現間裝修唔錯嘅西餐，門口睇下個餐牌就有姐姐仔好客地出嚟介紹廚師做過多年米芝連餐廳，同屋企人就即管入去試下！我地一行幾位，分別叫左幾個set dinner，前菜有好幾款，分別係八爪魚薯仔沙律、蒜頭牛油蝦、蟹肉沙律，每樣都叫嚟試，非常新鮮！擺碟又靚主菜叫咗牛柳、龍蝦risotto、牛面頰risotto仲有鱸魚喬麥麵，意想唔到全部份量都好多！甜品同飲品都未嚟已經好滿足！物超所值！而甜品每日都唔同，經理話餅師每日親自炮製我地就品嘗咗藍莓芝士蛋糕同埋杏仁芝士蛋糕埋單嘅時候經理同店員都好有禮貌介紹十月尾Halloween會有特別安排，希望我地到時都支持下！今晚食完覺得服務同質素都好高一定會再幫襯