正宗上海生煎皇 (已結業) 查看

入黎大埔探朋友，試左一家全打生煎包的小店。個名好熟，原來之前喺深水埗已經食過，由一家分店開到依家大埔都有，質素應該有番咁上下保證。黎到生煎王，點都要試下出名的生煎包，有兩件和四件選擇，一客四件唔使爭。生煎包即叫即煎！個皮煎得好香，芝麻香口，而整體來講皮香肉多汁。一咬開可以飲到湯汁，味鮮有驚喜！而且舊肉大小中等，加上少少豆瓣醬好惹味！果然係鎮店之寶，無介紹錯！蟹粉小籠湯包試左個比較特別嘅小籠包。一客兩件，點左兩客。入邊有好香嘅蟹粉味，一咬開湯汁一湧而上！真心好食！而且欣賞個皮做得好薄，有出面某台灣品牌的質素。上海菜肉雲吞個湯係好似加入左咸肉入去煲，所以大家都話正，飲左幾碗！而菜肉雲呑清清地，加埋個湯好暖胃！不過相比起生煎飽就無乜特別麻醬三絲拌麵驚唔夠飽叫多一個涼麵。三絲有火腿 青瓜 雞絲，加埋大量麻醬濕濕地好好開胃。涼拌麵好爽口，而且夠哂凍，味道一流。而且份量都好夠多，三個人食剛剛好！上海生煎王確係不錯！如果想經濟點食餐好，都係一個好選擇！除左生煎飽，仲有不少菜飯湯麵選擇，不過計我話最緊要係兩位朋友都讚好！同朋友傾下計，咁又過左一個休閒的週末！大埔人切勿錯過！