影片
更多
2025-06-10
295 瀏覽
身係大埔街坊都知大埔美食不嬲都多，但數到鐵板燒又真係唔多覺眼，最近行街發現咗大埔竟然開咗龍亭鐵板燒！我之前喺佐敦食過一次，一直都心念念想再試，然後發現大埔區價錢竟然仲平！做緊$1288/2人，真係要食餐好慰勞下自己了🥗前菜：季節限定沙律煙燻三文魚捲住新鮮沙律菜，底層有意大利黑醋汁，酸酸甜甜，令味道更加開胃。上面仲有中華沙律同魚子醬，口感豐富，配上龍珠果同車厘茄，微酸帶甜，層次感十足。🥚白松露溫泉蛋配蟹籽賣相已經好吸引，半熟蛋拌勻後入口，感受到幼滑嘅口感，香濃嘅白松露嘅香氣撲鼻而來，同溫泉蛋完美融合，加埋爆汁蟹籽，好似飲緊一碗高級白松露忌廉湯，層次好豐富。🦪刺身一品(時令生蠔)新鮮嘅法國生蠔，配上三文魚子，入口即有鮮味同淡淡海水鹹味，自由配搭配上旁邊有Wasabi、清新嘅檸檬汁同魚子醬，真係好正！🦞鐵板海鮮兩品 (澳洲龍蝦 & 日本元貝)澳洲龍蝦用咗蝦油同蝦膏去炒，味道超香，啖啖龍蝦都非常彈牙，蝦膏味濃郁又唔會過膩，真係好惹味。旁邊配有竹炭鹽調味，可以按自己口味加添層次感。北海道帶子煎得剛剛好，配埋味噌奶油，鹹鹹甜甜，幾特別又有驚喜。配菜有黑松露同蘑菇，香氣十足，令成個菜式更加豐富。🪿鵝
🥗前菜：季節限定沙律
煙燻三文魚捲住新鮮沙律菜，底層有意大利黑醋汁，酸酸甜甜，令味道更加開胃。上面仲有中華沙律同魚子醬，口感豐富，配上龍珠果同車厘茄，微酸帶甜，層次感十足。
🥚白松露溫泉蛋配蟹籽
賣相已經好吸引，半熟蛋拌勻後入口，感受到幼滑嘅口感，香濃嘅白松露嘅香氣撲鼻而來，同溫泉蛋完美融合，加埋爆汁蟹籽，好似飲緊一碗高級白松露忌廉湯，層次好豐富。
🦪刺身一品(時令生蠔)
新鮮嘅法國生蠔，配上三文魚子，入口即有鮮味同淡淡海水鹹味，自由配搭配上旁邊有Wasabi、清新嘅檸檬汁同魚子醬，真係好正！
🦞鐵板海鮮兩品 (澳洲龍蝦 & 日本元貝)
澳洲龍蝦用咗蝦油同蝦膏去炒，味道超香，啖啖龍蝦都非常彈牙，蝦膏味濃郁又唔會過膩，真係好惹味。旁邊配有竹炭鹽調味，可以按自己口味加添層次感。北海道帶子煎得剛剛好，配埋味噌奶油，鹹鹹甜甜，幾特別又有驚喜。配菜有黑松露同蘑菇，香氣十足，令成個菜式更加豐富。
🪿鵝肝多士
鵝肝煎得金黃香脆，最底層墊住麵包，中間仲有菠蘿汁同蛋白，入口即溶，充滿空氣感。菠蘿汁酸酸甜甜，完美中和咗鵝肝嘅油膩感，食落去層次豐富，感覺好新鮮，令人有驚喜，值得一試！
🐂和牛卷
和牛包住蔥花同蒜香，肉質嫩滑，入口即溶，而蔥香味非常突出
配菜有一隻鵪鶉蛋蘑菇，將和牛卷點上蛋汁一齊食，除咗口感更滑溜，仲減低咗油膩感！
🍚海鮮炒飯
海鮮炒飯賣相超吸引，面頭鋪滿咗蟹子、北海道三文魚子同馬糞海膽，馬糞海膽新鮮零腥味，粒粒三文魚子同蟹子爆汁，而飯粒炒得乾身分明，加入蒜粒增加了脆脆的口感，仲有蔥花，每一啖都食到海鮮香、蒜香同蔥香，層次豐富。
🍍檸檬柚子菠蘿雪葩
店內自家制的雪葩，味道清新酸甜，入口即溶，食落非常解膩。
仲有食到入面有粒粒菠蘿嘅果肉，增加咗口感同果香，成個甜品好有夏日感覺，食完好舒服！
總結：當日現場滿客，而且好多人會選擇嚟慶生，現場會有蛋糕同播生日歌，仲有火睇真係氣氛一流！同埋 鐵板燒2人先1288 加一，性價比幾高，值得推介👍🏻👍🏻
張貼
