粉果佬

營業中

休息中

入親大埔都一定會去買大埔名物 粉果佬啲魚肉燒賣嚟食，今次就買多啲當埋晏就食先😄魚肉燒賣$10/5粒日日新鮮手做燒賣，由賣相都睇得出粒粒唔同，口感煙韌彈牙，有魚肉味道冇一種咬緊粉團嘅感覺，而且粒粒都好大粒，配埋辣椒油更為一絕，令味道層次即時多幾層😻家鄉粉果$12/3個第一次試佢啲粉果，用料足而且粉果皮厚薄適中略有煙韌感，味道仲要唔錯生菜魚肉$22/碗姐姐裝到滿一滿，上面再撒上少少胡椒粉調下味，魚肉分成細細條，每啖都可以一次過食幾條，魚肉煙韌加上清爽生菜絲口感好滿足😊