燚 (已結業)

前排同朋友踩單車，踩完單車之後朋友就提意嚟食呢間新開嘅鐵板燒，餐牌都有幾多套餐選擇，自己有選擇困難症，所以就等廚師發辦。沙律用咗好多唔同種類嘅蔬菜，再加埋煙三文魚同魚子醬，口感清新又爽口。當日精選刺身係日本直送嘅肥美生蠔同鯛魚，兩款都非常新鮮，自己無配 Wasabi 同檸檬汁食，完全感受到食材嘅鮮甜味。餐廳自家製獨子蒜醬汁，蒜味非常香濃但入口時蒜味卻不會蓋過海鮮嘅鮮味，鮑魚同大虎蝦都相當高質。鵝肝煎至外層焦香，內裏細膩柔滑，配搭汁多味甜嘅菠蘿同牛乳檸檬蛋白醬，味道層次相當豐富。牛肉薄燒卷、牛柳粒同黑豚扒，三款肉都超級正 🤤 牛柳粒同黑豚扒外焦內嫩口感一流，而且肉味非常濃郁。幾多配料嘅海鮮炒飯。最後甜品以紅酒雪梨配忌廉蛋白作為結尾，雪梨清甜滋潤得嚟帶有濃濃嘅酒香，非常滿足的一餐。