芝加哥串燒 (美豐花園) (已結業)

「串燒加啤酒」，似乎係無可挑剔既組合！感覺特別適合Happy Friday約埋朋友一齊去食下，飲下，吹下水！喺朋友介紹下，友人同我今日特別去到太和一間名叫「芝加哥串燒酒場」試一試！太和港鐵站一出行大約8分鐘左右就到。串燒店屬於小店形式，晚上八點幾已接近坐滿，氣氛好好！行入店內，各式各樣既酒放滿成個酒櫃，除左有日本威士忌之外，仲有唔同種類既手工啤，叫自己舖頭做「酒場」，確係當之無愧！坐低後，揭開餐牌，串燒嘅種類都幾多，仲有扇貝、西冷、羊架食！正呀！除咗串燒之外，我哋仲叫咗兩支手工啤酒試添！手工啤酒一支麥味比較重，重口味一啲；另一支就果味重啲，容易入口，女仔應該會中意！再等多陣，串燒都到啦！除左羊架、西冷、雞肉蕃茄/大蔥、扇貝、雞軟骨之外，仲叫左d蔬菜，如原條茄子、翠玉瓜、娃娃菜等⋯串燒火喉控制得唔錯，肉類海鮮都好juicy!加埋秘製調味料，好惹味呢！睇嚟下星期要再encore 多次先得！