和拉麵

營業中

休息中

早幾日心血來潮行左入大埔墟d巷仔度想搵下有咩新野食，點知畀我見到和拉麵，出於好奇我就入左去食喇。拉麵既選擇唔係好多，但睇得出佢地好細緻，連麵質同湯底既濃淡都有得揀，認真抵讚！今次我就試左個辛辣湯底，佢仲分埋大、中、小辣，唔係太食得辣但係想食辣過下癮既朋友就唔洗怕辣親啦！個麵軟硬適中，好有咬口，同埋塊叉燒肥瘦均勻，好淋而且好入味，加埋其他配料好似木耳同筍咁一齊食，成個拉麵整體真係唔錯。同埋我另外叫多左個玉子燒食，都好有驚喜，舊玉子燒配埋芝士同木魚碎一齊上，鹹鹹地既木魚碎幫玉子燒吊一吊味，加埋芝士都冇話好漏，個人泥講好推介！