OPPA韓國燒肉店 (已結業)

今日同男朋友出左去睇傢俬，之後去左大埔超級城行街。我一向比較少去大型連鎖店到食飯。最後我地選左一間韓燒放題，貪佢係放題，岩曬牛魔王既男朋友仔。最令我地吸引係佢有和牛拼盤🥰我地18:45去到，餐廳只有2枱，我地重心諗會吾會中伏，但我地都硬著頭皮入去。餐廳🍴都幾大間，空間感都幾好，牆身既塗鴉色彩繽紛。但好好彩食食吓，原來又人山人海星期一到四嘅價錢係$368，另外和牛全部都係任食，對於牛魔王嘅男朋友來講簡直係超值，和牛嘅質量不俗，油花細膩而且平均。而我最中意食牛頸脊，我覺得肉質最嫩滑而另外亦都包左一個海鮮拼盤，包括左帶子、鮑魚、及大蝦。鮑魚只需要熱返就可以食啦，大蝦重有蝦膏tim..燒完勁香口。正！有一樣係我好鍾意食既，就係豬皮，以前係一間韓燒入邊食過之後，就令我不斷回味。雖然豬皮食落未夠彈牙，但配上黃豆粉亦算係正宗食法。飲品區係自助嘅，種類亦都繁多，亦有不少韓國燒酒在內任君選擇。