芝加哥串燒 (美豐花園) (已結業)

今晚約咗個歸蜜食飯，諗下食乜好先。我哋大家都係住大埔，不如就諗下大埔有冇野好食啦！其實我同佢都好鍾意食串燒，不如翻炒嗰間芝加哥串燒早場。一來有我最鍾意嘅手工啤飲，二來有我最鍾意食嘅燒物食。呢間餐廳我除咗好夠氣氛之外，食物質素亦都非常好，所以我翻炒再翻炒再翻炒都要再返嚟試吓，支持一下大埔食市。一如以往，個燒茄子係我必叫item之一,除咗個味道非常惹味之外，原條燒而又唔燶真係少啲功夫都唔得。另外，佢哋嘅燒雞翼包飯都好正。燒生蠔唔使講啦,生蠔新鮮，簡直連汁都撈埋!最後，燒粟米簡直就係神級水準，粟米又甜又香。朋友個女自己一個食晒成條粟米就知幾好食啦！唔使講啦，大埔街坊一定要黎試試。