影片
更多
2022-05-01
657 瀏覽
我老公一心想帶我去fine dine tum我開心, 佢本身唔擅長搵餐廳，係openrice見到呢間餐廳介紹自己係fine dining 法國餐廳…五星級酒店廚師主理，同埋見D影門口既相幾似樣，就諗住今次肯定食叻。環境外面望餐廳大家睇寫手post既相就可以，但係其實位於後巷既餐廳裡面望出去係對住一個殘廁。Honestly, 單係憑呢一點，就唔應該用”fine dine”黎誤導食客…但係我會繼續客觀寫落去。Interior 方面，我個人幾欣賞佢既西班牙建築大師Gaudi 風格mosaic 鋪既廚房bar牆，因為我係Gaudi’s huge fans. 但係呢個design又一次同‘法國餐廳’起衝突。食物其實一去到已經知唔係fine dine, 同埋我地見dinner set menu 不太吸引，所以寧願唔要折購散叫。叫咗龍蝦湯、和牛同羊扒。龍蝦湯係濃味既、但係唔係十分新鮮。兩份main dish 既配菜（三色椒粒粒、意大利青瓜粒粒&薯）同醬汁竟然一模一樣，只係塊肉唔同，我老公話好似係茶記常餐，我地忍唔住笑咗😂和牛上菜係有個蓋打開有煙燻效果，但係嗰個煙燻味係廟宇香火味😅。和牛肉質係好既，只
環境
外面望餐廳大家睇寫手post既相就可以，但係其實位於後巷既餐廳裡面望出去係對住一個殘廁。Honestly, 單係憑呢一點，就唔應該用”fine dine”黎誤導食客…但係我會繼續客觀寫落去。
Interior 方面，我個人幾欣賞佢既西班牙建築大師Gaudi 風格mosaic 鋪既廚房bar牆，因為我係Gaudi’s huge fans. 但係呢個design又一次同‘法國餐廳’起衝突。
食物
其實一去到已經知唔係fine dine, 同埋我地見dinner set menu 不太吸引，所以寧願唔要折購散叫。叫咗龍蝦湯、和牛同羊扒。龍蝦湯係濃味既、但係唔係十分新鮮。兩份main dish 既配菜（三色椒粒粒、意大利青瓜粒粒&薯）同醬汁竟然一模一樣，只係塊肉唔同，我老公話好似係茶記常餐，我地忍唔住笑咗😂
和牛上菜係有個蓋打開有煙燻效果，但係嗰個煙燻味係廟宇香火味😅。和牛肉質係好既，只係調味太鹹。講真如果唔好諗住係French fine dine, 都ok 既。但係對於一份over $550既和牛黎講，就很抱歉。我老公話，個羊既味唔差，只係太鹹，份羊應該係over$400。（我前一晚係海港城harbourside grill 都叫咗羊扒，份量多過佢，好食過佢，仲有維港無敵大海景，just over $300)
買單，over $1200。因為唔飽，轉場食其他嘢😂
服務
唯一一位負責招呼客人既女士人好好客，服務唔係差，只係係family style親和式，而唔係fine dine standard。
Conclusion
我不能夠評論個廚師係唔係五星級酒店出黎，但係如果佢真係既，呢個擺盤已經證明佢係整法國菜方面學藝未精或者呢間餐廳比咗好大侷限佢…
但係，我可以保證呢間唔係fine dine。同埋，絕對係over priced.
張貼
