更多
2014-06-06
3358 瀏覽
上個禮拜睇到U-Megazine Facebook fanspage既介紹知道大坑開左間Hello Kitty Cafe於是就叫D朋友黎陪我食，睇下佢係咪真係咁好食我本身唔係Hellokitty既fans，純粹只係以試一間新cafe既心態黎食加上我都好耐冇黎大坑食野，上一次已經係Kindergarten仲係度既事....我地一行三人大概2:15pm去到，前面已經排左20個人左右，可能係因為餐廳既size細到一個點既關係我地亦都好好彩，後面排多一個人之後餐廳就排人出黎截龍話full house，之後排既都唔serve熱食當時我地三個心諗：下！？咁快？三點幾咋喎？不過算啦，有得食就得等左兩個鐘，終於入到去坐一坐低第一件事就係狂影相，因為真係乜都有Hello Kitty，以原木色作為餐廳既主調都令人覺得幾舒服結果我地一人叫左一個蛋糕同一杯野飲，仲有一個Classical Burger先黎既係蛋糕：Apple Cake and Green Apple Cake ($58)我地排緊隊既時候已經好好奇個蘋果入面係乜野黎簡單黎講，佢地其實係蘋果批既變奏版入面係煮過既肉桂蘋果粒+提子乾，配上spong
於是就叫D朋友黎陪我食，睇下佢係咪真係咁好食
我本身唔係Hellokitty既fans，純粹只係以試一間新cafe既心態黎食
加上我都好耐冇黎大坑食野，上一次已經係Kindergarten仲係度既事....
我地一行三人大概2:15pm去到，前面已經排左20個人左右，可能係因為餐廳既size細到一個點既關係
我地亦都好好彩，後面排多一個人之後餐廳就排人出黎截龍話full house，之後排既都唔serve熱食
當時我地三個心諗：下！？咁快？三點幾咋喎？不過算啦，有得食就得
等左兩個鐘，終於入到去坐
一坐低第一件事就係狂影相，因為真係乜都有Hello Kitty，以原木色作為餐廳既主調都令人覺得幾舒服
結果我地一人叫左一個蛋糕同一杯野飲，仲有一個Classical Burger先黎既係蛋糕：
Apple Cake and Green Apple Cake ($58)我地排緊隊既時候已經好好奇個蘋果入面係乜野黎
簡單黎講，佢地其實係蘋果批既變奏版
入面係煮過既肉桂蘋果粒+提子乾，配上sponge cake同Mascarpone cheese
蘋果冇比肉桂搶左風頭，仍然保留到蘋果本身既味道，而且好有口感
而Mascarpone cheese就同蘋果粒同提子乾既口感做成強烈對比
不過由於我本身唔食蘋果批，所以對佢冇乜感覺，唔覺得佢特別好食...
如果你唔鍾意肉桂陣味既話，你未必會鍾意食
Mango Tart ($48)
唔錯，芒果幾甜，同一般fruit tart冇咩分別
不過隻Hello Kitty係幾得意既 拎黎影相唔錯
冇幾耐就上主菜Secret Garden Burger ($98)第一眼見到既反應係：哇，真係幾大份
入面有煙肉、太陽蛋、同自家製既牛肉漢堡扒
漢堡扒應該都有1.5cm厚，非常足料，好juicy，有牛味，如果成個包拎起黎食都唔容易...
由於同另一位朋友下晝都冇食野，所以我地瞬間食哂
薯條都係急凍個D，其實冇咩特別，不過好似冇乜味
但係你話係咪好好食，我覺得不過不失，唔太值$98...
最後叫左個Iced Apple Tea ($42)第一下仲以為我睇錯，點解有檸檬既？
不過都幾好飲，唔會太甜，值得一試
抵讚既係雖然好多人，由叫野食到上菜都係30分鐘入內既事，都算快既
而且佢都冇限死用餐既時間，呢樣對人流多既小店黎講其實唔算係好事，但係店員們都冇催我地
總括黎講，如果你係Hello Kitty既fans，你應該唔會唔會對餐廳既裝潢失望，野食都可以一試
但係你如果只係一個想搵間cafe坐下傾下計，我諗你就唔好對呢度抱有太大期望
因為撇開Hello Kitty呢個噱頭，佢既定價都比一般cafe高
題外話/補充資料：
小插曲1:
由於太多人，到三點幾既時候佢地就擺左張凳出黎寫住full house截龍，但係就咁就算，有唔少人都諗住博懵移開張凳繼續排，餐廳都要定期搵人出黎趕，期間的確有唔少人等唔到咁耐而走
但係過左一陣，人實在太多，D店員都趕唔到人，
結果佢地同排隊既人講由「我地唔做生意」轉做「我地都唔知serve唔serve到你地」再轉做「我地只係serve蛋糕同野飲」
點解短短兩個鐘頭就可以差咁遠??
其實擺左張凳出黎係一D用都冇，既然熱食係限量供應既話，應該可以有更好既安排，例如派籌
小插曲2:
等左兩個鐘下一檯就到我地既時候岩岩有兩個空位，個店員竟然問後面有冇人想入黎先
我明白佢地都想密D做，但係咁樣既安排會唔會令排係龍頭既人唔公平呢?
小插曲3:
同檯有一位女士係店員收野既時候同店員傾計，佢問係唔係剩係今日先咁多人，佢話其實都唔算係，但係佢好淡然咁答話排隊等兩個鐘係基本野
我聽完呢句之後真心覺得 點解你地認為人流多呢件事係理所以當然? 其實如果冇左Hello Kitty既光環你地真係會咁旺市咩?
呢三件事的確令我對呢間餐廳既印象大大扣分
(以上食評乃用戶個人意見 , 並不代表OpenRice之觀點。)
張貼
