拉麵來 (已結業)

懷舊日式居酒屋風拉麵店之前喺IG見到呢間拉麵譜裝修好吸引已經成日想過嚟。今日喺附近做嘢，終於有機會試到呢間拉麵店。一入到去裝修風格好吸引好似去咗日本居酒屋咁而且仲鐵腕好多日本動漫海報，又播住日文歌真係有少少好似去咗日本旅行嘅感覺。櫻花蝦湯拉麵濃厚嘅自家製豚湯，加上秘製嘅豆瓣醬同埋鋪滿全碗麵嘅櫻花蝦，賣相非常吸引。一入口飲啖湯超級惹味同有濃厚嘅海鮮味;而且豆瓣醬亦唔會太過辣，我平時食譚仔10小辣都頂得順。麵條亦有得揀硬度，煮得啱啱好，總之就好好食，成件事好夾。蘋果梳打原裝日本入口，非常清甜，一定要叫返支！牛舌牛尾湯拉麵Menu食住湯底係用左六個鐘餚製而成，身為牛舌fans嘅我，一定會叫！好彩完全冇令我失望，仲令我非常驚喜！湯底非常之清甜。我再睇多次Menu，原來湯底除咗用牛骨同牛尾做材料之外，仲用咗鰹魚同昆布；唔怪之得入口咁清甜！講返主菜，嗰個牛舌真係炆得好淋好入味，一放入口成口油香！牛舌fans 必點。