順興茶餐廳

營業中

休息中

今時今日大坑人流已經比以前少左一半，我諗佢哋可能係大坑唯一仲keep到咁多人食嘅茶檔！就算冇服務冇裝修都可以留到人流確係唔容易！今次未坐低，店員已經同我講佢哋要收檯，要我哋快食快走，但嗰時單佢都未幫我寫，於是我回佢一向，冇問題你要我快走但你要快下單快比嘢食我！依間店你星期六、日如果晏少少去，佢係會乜都賣曬，我當時亦都係，當時滑蛋叉燒飯已經冇，但唔緊要，其實佢哋啲叉燒係完全唔好食的，真係唔明點解咁多人叫！終於我叫在"滑蛋蝦仁飯+凍咖啡"$60 / "豬皮蘿蔔米+凍檬茶"$35 ,上菜前好多人都想坐我張枱，結果都被店員拒絕，佢果然對所有客都一視同人！凍咖啡先上，飲一啖，咖啡味道非常濃郁，加上凍夠大粒夠凍好飲，之後滑蛋蝦仁上枱，用料十足，有七至八隻蝦，去左殼嚟講都算幾大隻，同埋雖然唔係新鮮蝦但肉質亦有彈牙嘅感覺！而佢炒蛋份量亦唔少，七成生熟程度十分好，有些蛋汁可以餸飯同埋食落口感更滑，不過最重要都係佢自己再調味嘅豉油，加了一點甜味和蔥粒嘅香口，為佢個飯簡直係畫龍點睛！之後到佢個米粉，豬皮夠淋和非常入味，蘿蔔亦清甜冇渣，米粉更係用上新竹米粉口感和味道都不錯，湯底亦十分夠味！怪唔得佢今時今日都係