山旮旯 (已結業)

又係一日約一大班老友相聚ge日子，其中一個生日，有人recommend左黎呢間餐廳。因為佢特別的係會播生日歌俾壽星仔聽。食物方面order左都幾多嘢，不能盡寫。有個三文魚pizza,呢個好好食，薄餅底厚薄適中，三文魚料又多，啖啖都有料，正！ 黑椒蜜糖薯仔黃牛粒又好食，香口薯仔好淰好入味。另外有個蜜糖雞翼都好食，叫左三轉，第三轉啲雞翼唔入味，頭兩份OK。意大利飯麻麻，雜錦串燒都一般。但個豬手就一定要試，不得了，香口但不會太乾，口樣先重要，一般炸得香口都會乾，而佢就做得剛好啦。