老表雲吞麵

係大圍買完六合彩, 順便行去隔馬會兩間鋪既老表雲吞麵搵食。

幫襯左老表都有好幾年, 唯一不足係選擇少, 只得雲吞, 鯪魚球, 墨
角丸, 鮮牛肉等可供選擇, 以前仲有牛筋腩, 不過而家已經無再賣咯。
今日我叫左一碗雲吞河 ($13) 及凍豆漿 ($3)。雲吞係自家製作, 用
料十足, 仲好大粒添!! 一碗有三粒, 淨食雲吞都飽, 而凍豆漿夠哂甜,
仲係賣 $3 一杯, 超抵呀!!

大部份坐位都係鋪內, 有冷氣, 不過地方較迫硤, 如果遇啱旺場, 就會
好擠迫。不過服務方面算可以啦, 阿姐做嘢都好爽手, 咋咋淋又一餐
咯....