老表雲吞麵 (已搬遷)

地方整潔 光猛 云吞麵 $26 双併$33 三併$40油菜$18 冇跟餐優惠樽裝汽水 $9云吞~大大粒 多虾 虾大隻 爽口湯底~ 虾味 清香幼麵~ 唔爽口 鹼水味鯪魚球~ 大粒 唔腥 夠分量後話 云吞麵3粒$26+双併魚球2嚿+$7但上枱就係 得2粒云吞 3件魚球下次落單要講清楚…查看更多

老婆今日返夜，返工前點都要食一食野，老婆提議不如去食雲吞麵，前面有間老表又未食過，求其是但食一餐啦。我叫左個雲吞墨魚丸撈麵，老婆就叫左個豬潤河。豬潤河先到，老婆叫我試下豬潤，平時啲豬潤一係好粉好散，一係好硬，呢個煮得岩岩好唔會過火，表面光滑咬落爽口唔似外面嗰啲咁鞋口。零吞入而竟然有4隻蝦，係4隻，爽口彈牙，不會梅，但豬肉太少，，影響口感，墨魚丸就包裝貨，一般貨色。原本聽叫加底，但話要17蚊加個底我就卻步了，都未免太貴。…查看更多

食過一次之後，對呢度嘅豬潤，深深著左魔！成為偶然浮起嘅心癮，每次到大圍都會留肚整番碗而我最愛呢度嘅豬潤仲有鮮蝦雲吞，鮮牛肉。鮮蝦雲吞真係原隻蝦，非常爽口！豬潤超有口感，爽爽地，而唔係我好憎個種肝狀口感嘅豬潤。鮮牛肉，基本上每次必叫，份量唔似外面餐廳，只有4-5舊。呢度係只少7舊。重點係湯底，唔係味精湯，唔會過份咸，每次我無叫野飲，食完都唔會口渴。價錢唔貴，但份量如何多，質素仲要高。我心目中嘅隱世雲吞麵舖，絕對係佢！…查看更多

今晚OT到成9點幾😪肚仔已經餓到咕咕聲😭返到大圍既時候，好多餐廳已經收左舖。。。見到呢間雲呑麵店仲開緊，就入去食個宵夜先🤪入到去搵位坐低啦，先發現原來呢間雲吞麵店既麵食係好平，單餸麵都只係$25碗，簡直係窮人恩物（糧尾都可以考慮下佢😂)由於太肚餓既關係，我就叫左三個餸，雲吞牛肉煎魚餅麵。雲吞皮薄餡靚，入面有原隻鮮蝦好爽口，另外牛肉亦都好鮮嫩，煮得岩岩好，好值得讚👍🏻煎魚餅如果可以另上會更好，雖然味道普通，但係份量十足。呢餐可以話係大滿足！！！…查看更多

黎到大圍梗係多野食！不過一條友可以食乜呢？今次强力推薦呢間老表（成日講錯左佢做表哥⋯⋯）佢本身仲有一個舖位近大圍港鐵站啲，我開頭都係去嗰間多，不過嗰間舖位好細，坐得好唔郃服，所以都係鍾意去呢間分店。話明傳統麵店，環境就唔可以咁高要求。圓枱、褶凳、搭台在所難免。老表型既地方就係，佢哋可以㨂既野唔多，而每一樣野我試過都係覺得非常之好味！所以大家可以憑感動去㨂自己想食既野。真係要推薦既，我會㨂呢幾樣野：1. 豬潤豬潤相當難煮。太熟鞋口；太生唔入得口。佢係煮得岩岩好，而且次次都係，質素異常地穩定。2. 雲吞夠大隻，足料，本身我對蝦敏感都忍唔住要食。3. 鯪魚球唔腥，彈牙有𡁻口，好味菜就一定會叫。只係保持均衡飲食咁解。…查看更多

有日肚餓，諗住平平地食個麵，見到間叫老表嘅麵館，幾多人食喎，所以入去試下價錢都較平民，唯一壞處就係地方有啲窄，背脊不斷被人撞到。叫左一碗招牌雲呑，雖然得4粒，但係每一粒都大大粒咬落去每粒都有3,4隻蝦。。份量十足當然啦，如果一碗有6-8粒，我會更加滿足嗌多碗豬潤麵，單拼係多啲豬潤㗎豬潤岩岩好熟！唔硬，又無血水！！最驚食啲太熟，硬到好似石頭咁嘅豬潤。。或者係生到岀血食豬潤始終安全啲好個麵呢，同一般雲呑麵一樣都好爽口，不過份量較少，岩曬減肥人士偷望到隔離枱叫米粉同河粉，份量好似多啲😂😂菜就無乜特別，入口無乜油嘅，又無黃。。算幾好。。都係諗住叫個菜，健康啲總括黎講，雲呑同豬潤都好值得推介，下次想試埋鯪魚球…查看更多

大圍一向多美食，今日放工後，特登入大圍覓食。今次來到老表雲吞麵。店內環境舒適，枱與枱之間有足夠的空間，不會太擠逼。餐牌都在牆上，一目了然。我們點了招牌雲吞河、鮮牛肉米粉、芥蘭，上菜的速度快。招牌雲吞河($25)一碗有三粒雲吞，雲吞大大粒，雲吞的大小有如一個乒乓球。雲呑非常足料，入面包著幾隻原隻蝦，皮薄餡多。鮮牛肉米粉($25)牛肉片的份量頗多，牛肉滑身，肉質嫩。米粉份量相當多，食完一碗都食很飽肚。店內還有醋、辣椒油、豉油給客人，按個人口味，自行加入醬料。芥蘭($17)菜方面，當日可以選擇生菜或芥蘭。芥蘭鮮綠、新鮮。…查看更多

食左好多次既雲呑河🤤成日收工會黎呢到食下午茶❤️啲雲呑好大粒好足料入面有好多蝦😳河粉都唔錯幾滑💛湯底唔會太咸，清清地咁💛帶過同事食都話啲雲呑幾好食又夠大粒！！…查看更多

今日又踩單車, 但係天色都已經黑曬啦,還咗車之後,走咗去seven買支嘢飲, 隔離原來有間表哥雲吞麵, 價錢25蚊喺大圍嚟講價錢算係唔錯,入去食咗碗雲吞麵,雲吞麵有三粒,雲吞每粒雲吞就好似乒乓波咁大粒, 裏面有大量蝦肉, 爽口彈牙, 性價比超高, 等我遲啲再去食先…查看更多

前幾日放假陪男朋友去大圍食lunch我叫左個雙併，豬潤加招牌雲呑豬潤有三塊，每塊都好大塊，而且好新鮮雲呑就有兩粒，入面都好多蝦肉不過d麵就好硬，好似唔熟禁腐乳通菜，都好大碟加$9仲枝忌廉，透心涼呀…查看更多

睇呢間嘢個款覺得好好味咁，就諗住買番碗細蓉攞返屋企慢慢嘆。。。叫咗：1碗墨丸河走葱1碗雲吞麵走葱1碟郊外油通菜嘩！我地食麵最想要嘅辣椒油同紅醋，佢竟然冇俾我地 雖然我地係忘記提，但佢地問句都得掛。唉。。。好啦！希望麵靚就算吧！點知。。。一打開啲粉麵，有葱嘅？ 雖然墨丸開十字花幾細心，但係個湯底食落去成口油，真係試唔真咩味 咁好似都幾彈牙嘅。好啦！食油菜啦！下？！！？！咁黃嘅好彩，佢嘅雲吞攞返啲分，雖然一碗得3隻，不過係超大隻嘅，有原隻蝦喺入面，味道都唔錯，而且幾爽口。…查看更多

覺得呢間野幾有良心叫左個雲吞鯪魚球撈粗$37竟然有通菜送,都唔少雲吞鯪魚球好大粒，唔孤寒宜家好多地方麵又少，雲吞又細粒食完都唔知食左咩食得麵舖唔係話要超好味，但至少都希望會飽啦豆漿正常辣椒油幾香,撈麵一流加油啊！…查看更多

今日lunch時間，行行下發現lee間，一開始抱住隨便食心態，結果發現好好食，餛飩夠多蝦，又新鮮大隻，鮮牛肉好嫩口，可以另外買返屋企打邊爐，份量啱曬女仔食，唔會太飽但又夠，仲有支裝可樂，極力推介，重點環境乾淨，食得舒服，…查看更多

嘩!好大粒雲吞，皮好薄(料好足)咬了一口(蝦肉好爽口彈牙，肉料好足)真係好好味(皮好薄)讚!!$23雲吞麵雖然得3粒雲吞(但雲吞比較大粒)抵食麵唔重(皂水味)，麵質煮得好好(彈牙有口感)生菜好新鮮豆漿重豆味(不算太甜)另一推介愛辣人士，辣椒油勁辣!…查看更多

去朋友屋企打機！聽講老表雲吞都好出名！但依排唔食得蝦！朋友推介食豬潤！就決定買左個豬潤麵上去食！一打開真係嚇親！舊舊豬潤都勁巨大！嘩！唔單止巨大！豬潤仲係厚身！仲要一碗有七塊豬潤咁多！真係食豬潤都夠哂！二十四蚊真係好抵食！舊舊豬潤都好好食！雖然係巨型！但唔會鞋口！好爽口！豬潤味道勁濃！勁香！值得再食過！下次再打機食麵一定要叫豬潤先得！雖然係清湯河粉！但配埋濃味既豬潤又好好食！河粉夠哂滑！而且份量都多！夠食！…查看更多