上陽樓

💚 大圍不嬲都有好多好嘢食，開咗商場圍方之後就更加多亦更加方便😊 今晚嚟到上陽樓食飯，裝潢係中式皇室設計，感覺奢華高雅。入到去門口見到嘅柱狀裝飾，原來係以清明上河圖作創作概念描繪大圍民犏的「大圍之柱」😆 非常有創意~

💚 開茶有得揀菊花，已經加咗分👍🏼　因為我夜晚唔鍾意飲咁濃嘅茶

💚 中式牛柳 $188
牛肉完全冇根，好好咬，亦都好入味！
伴碟洋蔥非常之甜！撈飯一流😋

💚 枝竹紅炆班腩 $198
鐵鍋上，保溫程度高，食到尾都仲熱~ 除咗斑腩仲有豬腩肉，兩者都好好食😎 可惜斑腩有少少骨，如果可以用冇骨嘅部位就好了😝

💚 濃湯鮮腐竹菜苗魚腐 $158
超鍾意食呢個菜！！因為好少食到魚腐，魚腐吸晒湯嘅精華，湯亦都清清地，有助解膩。

💚 上陽樓服務同埋食物質素都對得住價錢。晏晝好似仲有得飲茶🫖，下次試吓啲點心先😚