影片
更多
2025-05-09
87 瀏覽
今日同老公去大圍積存街食飯，好懷念半年前喺吉隆坡食嘅馬拉菜，所以今日揀咗呢間食。餐牌有好多款式，最經典嘅喇沙、肉骨茶、咖央多都有，仲有我好想食嘅炸髀椰漿飯。價錢親民，而且唔使加一鮮牛油咖央多士 $38最經典嘅味道，咖央醬係馬拉直送，口感香滑，帶斑斕葉同椰漿香味，配埋鮮油好邪惡馬拉燒魚肉 $38/3件呢個真係未食過，用竹葉包住魚肉嚟燒，好特別好有風味，魚肉會帶一陣竹葉嘅香味馬拉沙嗲串燒 $64/3串可選豬/牛/雞，沙嗲醬香濃惹味，三款肉質都唔錯椰漿飯配生炸全雞髀 $92炸髀超大隻，有我手掌咁大，炸得好香脆，雞肉略嫌乾咗少少；椰漿飯除咗椰漿，仲加咗斑斕葉，口感軟顏適中；配料有咖喱薯仔、炸魚仔、雞蛋，十分豐富香辣炒米粉配咖喱雞 $98米粉炒得好乾身，香辣惹味；咖喱薯仔雞都煮得好香，咖喱同椰汁味香濃，辣度適中細滲 $88呢度提供唔同size嘅肉骨茶，細滲係一至二人份量，超級足料，有齊豬手仔、豆卜金菇、豬肚及三層肉，仲可以免費添飲，味道正宗美祿恐龍 $30經典馬拉飲品，超濃美祿可可味，唔會太甜特色拉茶 $22馬拉奶茶，經典嘅味道，甜味比較重桔仔話梅水 $26好潤喉，食咗咁多熱氣嘢飲返呢杯野，喉嚨
今日同老公去大圍積存街食飯，好懷念半年前喺吉隆坡食嘅馬拉菜，所以今日揀咗呢間食。餐牌有好多款式，最經典嘅喇沙、肉骨茶、咖央多都有，仲有我好想食嘅炸髀椰漿飯。價錢親民，而且唔使加一
鮮牛油咖央多士 $38
最經典嘅味道，咖央醬係馬拉直送，口感香滑，帶斑斕葉同椰漿香味，配埋鮮油好邪惡
馬拉燒魚肉 $38/3件
呢個真係未食過，用竹葉包住魚肉嚟燒，好特別好有風味，魚肉會帶一陣竹葉嘅香味
馬拉沙嗲串燒 $64/3串
可選豬/牛/雞，沙嗲醬香濃惹味，三款肉質都唔錯
椰漿飯配生炸全雞髀 $92
炸髀超大隻，有我手掌咁大，炸得好香脆，雞肉略嫌乾咗少少；椰漿飯除咗椰漿，仲加咗斑斕葉，口感軟顏適中；配料有咖喱薯仔、炸魚仔、雞蛋，十分豐富
香辣炒米粉配咖喱雞 $98
米粉炒得好乾身，香辣惹味；咖喱薯仔雞都煮得好香，咖喱同椰汁味香濃，辣度適中
細滲 $88
呢度提供唔同size嘅肉骨茶，細滲係一至二人份量，超級足料，有齊豬手仔、豆卜金菇、豬肚及三層肉，仲可以免費添飲，味道正宗
美祿恐龍 $30
經典馬拉飲品，超濃美祿可可味，唔會太甜
特色拉茶 $22
馬拉奶茶，經典嘅味道，甜味比較重
桔仔話梅水 $26
好潤喉，食咗咁多熱氣嘢飲返呢杯野，喉嚨即刻舒服晒
整體食物款式種類多，質素不錯，價錢親民實惠；上菜速度快，服務態度友善有禮；店舖上下兩層，上層靜啲坐得鬆動啲，不過就辛苦送餐職員上上落落。
張貼
