影片
以上資料只供參考, 請與餐廳確認詳情
今次黎到呢間位於大圍隠世嘅肉骨茶店，佢地嘅肉骨茶味道超濃，所以都會吸引唔少人黎食!餐廳共有2層，大約可以容納廿幾人左右!餐牌上多款馬來西亞菜式可以選擇，而我地就揀左幾款不同嘅試試!細滲，細滲肉骨茶包括有一字骨、豬腳、豆卜、金菇、豬肚等，材料非常豐富，而肉骨茶飲完之後都可以續添，只要你飲得落就得架啦!肉骨茶帶有藥材嘅甘香，令人回味!芽菜雞配黃薑飯，因為係BB食，所以我地將黃薑飯轉為白飯，雞件嘅份量都幾多，雞肉嫩滑，點上醬汁一齊食，味道更美味!椰香白咖哩麵，呢款麵嘅麵底可以自行揀選，我就揀左老鼠粉食，食每啖都會食到淡淡嘅白咖哩味，而配料方面蝦、豆卜、魚片、豬紅、蛋等，美味又豐富!手抓薄餅配咖哩雞，咖哩雞都幾辣，薯仔煮得軟綿，雞件同薯仔嘅數量平均!而佢地嘅手抓薄餅就算唔係即時食都係脆卜卜，點上咖哩汁一齊食十分惹味!魚仔XO醬蘿蔔糕，魚仔XO醬味道唔會太辣，有魚仔乾係入面，脆口惹味!蘿蔔糕切成正方體狀，一啖一粒夠哂方便!鮮牛油咖央多士，牛油夠凍夠硬身，咖央醬塗滿多士，食落有種冰火交融嘅感覺，而且多士夠脆，十分美味!
繼續閱讀
呢日同朋友一齊嚟咗呢間馬來西亞🇲🇾餐廳🍽️食晚餐🤣；未講食之前，先讚吓嗰位店員姨姨服務真係非常之好👍$138「芽菜雞半隻」：雞肉不同部位有不同口感，總括嚟講肉質都算幾滑，亦都幾好雞味🤣；芽菜加咗嚟墊底，芽菜大大條脹卜卜圓轆轆，咬落幾爽脆，份量仲好多🤣$106「豬髀骨 肉骨茶」：店員姨姨首先倒兩碗肉骨茶俾我哋飲，肉骨茶湯底有淡淡嘅藥材味，仲帶微甘，好飲🤣；跟住就嚟一鍋「豬髀骨 肉骨茶」，「豬髀骨」大大一條，黐住豬髀骨有好多豬肉，豬肉煮得夠軟熟🤣，店員姨姨再三提醒可以添飲肉骨茶👍，不過一鍋份量已經勁多，應該絕對夠飲🤣$118「龍蝦尾海鮮濃湯蝦麵」：「龍蝦尾」肉質結實鮮甜🤣，其他海鮮仲有青口、帶子，麵係油麵，軟腍腍，易入口👍，蝦湯湯底味道濃郁🤣$58「水魷蕹菜」：原來「蕹菜」即係通菜，「蕹菜」新鮮幾爽脆🤣；「水魷魚」就幾爽滑🤣$32「玻璃生菜」：生菜新鮮，顏色翠綠，食落爽脆，簡單幾好食🤣呢度食物嘅份量偏多，加上肉骨茶無限添飲，飽得我哋呢🤣，真係街坊價錢相當抵食🤣
繼續閱讀
放工鬆一鬆，食野最有令人放鬆，今次搵左大圍一間馬來西亞餐廳，上到樓上，牆上的壁畫是一直大貓，好美的畫，挺有家的感覺。同友人品嚐了幾道令人垂涎的經典美食。鮮牛油加央多士外皮烤得金黃酥脆，內裡則是鬆軟的吐司，塗上厚厚的鮮牛油，椰香香氣四溢。細滲肉骨茶（任添加）肉骨茶的湯頭濃郁，香氣撲鼻，裡面加入了多種香料，讓人一口下去便能感受到肉香和藥材的完美融合。肉質軟嫩，輕輕一撥便能脫骨，搭配白椰香娘惹喇沙椰香娘惹喇沙是一道色香味俱全的湯麵，湯底以椰漿和香料熬製而成，味道濃郁而不油膩。驚喜食材有烤蝦！麵條滑順，配上新鮮的海鮮和豆腐，讓每一口都充滿了豐富的層次感。芽菜雞黃姜飯黃姜飯色澤誘人，米飯香氣四溢，搭配鮮嫩的雞肉和脆口的芽菜，簡直是完美的組合。黃姜的獨特風味為飯帶來了獨特的香氣串燒牛豬雞各一串，肉質嫩，搭配特製的醬汁，味道十分美味。特別是雞肉串，嫩滑多汁，讓人吃了還想再來。 熱檸檬薏米水和柑仔話梅水最後，我點了熱檸檬薏米水和柑仔話梅水作為飲品。熱檸檬薏米水清新解渴，薏米的香氣與檸檬的酸味相得益彰。而柑仔話梅水則是一種獨特的風味，酸甜可口，令人耳目一新。總結來說，這家馬來西亞餐廳的菜品不僅色香味俱全，還充滿了家鄉的味道。高性價比，沒有加一收費！
繼續閱讀
早排同個朋友去左大圍一間馬拉小店到食lunch😝已第二次幫襯🙂↕️啲水準依然唔錯👍好食唔算貴😛最出名必叫肉骨茶（大）有一字骨、豬肚、雞腳、豆卜金菇等等…真係好足料😛湯底係使用藥材去煲～好入味😛而且仲可以任添～好惹味😛鮮牛油咖央多士多士好鬆脆😛綠色醬係斑斕嘅味道🥰搭配牛油有這種絲滑的口感😛福建蝦湯麵（油麵）配料有蝦、半隻雞蛋、有三層肉🤭味道鮮美而豐富～湯濃麵滑😝芽菜雞配薑黃飯雞肉鮮嫩多汁，豆芽則脆爽，帶來清新的口感🙂↕️薑黃飯係用米飯加上薑黃粉煮成的😝呈現出金黃色🥰飯粒松軟😛馬拉沙嗲串燒有豬、牛、雞～即叫即燒～使用特製馬拉沙嗲醬🙂↔️非常之惹味😂炸饅頭外層經過油炸，形成金黃色的脆皮，口感酥脆😂加入煉奶😛增添風味😑冬瓜龍眼茶冬瓜味道清淡🙃帶有一點甜味，而龍眼則有濃郁的水果香氣和甜味😊桔仔話梅水梅子的酸味同桔仔的果香相結合，形成一種獨特的風味🤩甜度適中😁店舖環境比較簡約😀牆壁上嘅圖畫畫得好精緻😄好有藝術嘅天份😂
繼續閱讀
馬拉菜真係好少食，咁啱去開大圍見到依間馬拉菜，見幾特別就去試吓。餐廳有兩層 樓上比較寬敞，仲有大大的貓貓牆可以打卡 畫得超可愛😍 🥘 豆卜金菇肉骨茶（$52） ： 馬來西亞菜點少得肉骨茶🥳🐱 呢間的肉骨茶款式口味都好多，例如豬手仔雞腳一字骨豬髀骨等等。如果揀唔落手嘅可以選擇「大滲」或 「細滲」 ，就有齊咁多選擇👍 肉骨茶好多好處，啱晒女性，包括係補氣養血、調節身體免疫能力， 而家病菌咁多，真係啱晒🥳 肉骨茶以湯底以豬骨搭配當歸、枸杞等藥材做成， 不過唔會太重藥材味 好易入口😋十分養生😎🐤 芽菜雞配黃薑飯（$80） ： 芽菜雞肉嫩， 而且高蛋白質同高纖、而薑黃飯健康，減慢皮膚老化同退化， 味道岩岩好 ，岩哂貪靚既人。 唔中意薑黄飯仲可以另外加$5 轉配其他口味既飯，例如椰漿飯、豬油撈飯等。🐷 馬拉沙嗲串燒（3串）（$64） ： 可以任簡3串雞/牛/豬既口味。 因為我唔食牛，就簡左2串雞同1串豬。 意外地食落唔算辣， 馬拉沙嗲本身是以花生醬做基底， 食落會係甜中帶辣。🥬 玻璃生菜（跟餐加$24） ： 生菜鮮嫩 配搭蒜香醬 食落好味🤤🍴 咖央多士（$33） ：作為馬來西亞特色食品之一， 點可以唔試。 味道甜甜地又唔膩。🥤 檸檬薏米水（跟餐加配$8） ： 可以去水腫排毒， 岩哂減肥人士飲😎 好足料既薏米🥳🥳 飲落唔會好酸岩岩好 🥤 桔仔話梅水（$30）：平時番工口乾乾咁 ， 桔仔夠哂潤喉，加上話梅可以飲促進消化，飲番杯酸酸熱地真係夠哂開胃🥳依間正宗既馬拉菜 真心夠哂經濟實惠， 去開大圍可以不妨去試下 😋
繼續閱讀