河內越式料理 (村南道)

營業中

休息中

今日同老公去大圍探朋友，經過河內越式料理，老公話入去試下，坐低叫咗兩份主食，兩份小食，兩杯飲品😋😋主食方面，叫咗一碗極品牛三寶湯河$70，一上台越級大碗，分量又多：有牛丸，牛展，牛肉，唧上適量青檸，味道更為清新，特別想稱讚一下佢嘅湯底，濃郁得來又唔會太鹹，配上河粉真係食唔停口😜另一主食就叫咗碟飯：河內越式三寶飯，分量一樣充足，同頭先嘅三寶完全唔一樣，今次有香茅豬扒，雞翼，扎肉。豬扒醃製得好入味之餘，仲煎得好香脆，雞翼煎得不油不膩，肉嫩帶汁，並唔會太過乾身☺️非常惹味！而扎肉則食落厚實彈牙。至於小食方面，分別叫咗一個越式豬頸肉，同炸春卷，份量足以分享兩人，啱晒老公呢啲鍾意試唔同口味嘅人，豬頸肉嘅油香幾重，相當香口。食咗咁多炸物之後，當然要飲返兩杯消暑嘅飲品，鮮芒果西米露清甜滋潤，而椰汁珍多冰就相對較為清爽😝😝但係兩杯飲品嘅配料都好豐富，兩公婆捧住個肚離開餐廳！