這係咪我們一行四人決定去豪一次
一到步就跟其他餐廳一樣量體溫 之後好快就安排入座
可能我們較早入座 所以人不算太多
釀焗蟹蓋 必食之選!
炸到香口 蟹肉仲有肉汁同香味
好似將成隻蟹精華放晒入去...
過左二日諗起都流口水
脆皮炸子雞
皮脆肉𣙙 連骨都入埋味
又不至放過鹽 喜歡食雞的一定要試下
因屋企人鐘意食魚 所以問下伙記有咩推介
介紹左這條海東星斑 我自己對魚沒有研究
但屋企人食得出是海魚蒸的時間剛好
我只覺得佢 D豉油好出色 可以用嚟送二碗飯
最後仲有燉湯同甜品
餐飯唔算平 但我地一行幾人食得都幾開心
耐不耐去豪一下 當幫自己打下氣
