何必館 (已結業)

今日來到何必館坐低已經有D不安！每個服務員都是那麼陌生,叫了幾籠點心,點了2個小菜,噢點解 ..........完全不一樣了,一行4人食完急急腳埋單！打聽一下,完來舊有班底樓面廚房全個團隊在2月20號之後已經離職了！完來何必館不是偉師傅開的,莫後有個老闆姓何,所以叫何必館！好後悔當初無問D廳面服務員聯絡電話！到底這個團隊去了那裡,有無兄弟姊妹話我知呀！真懷念以前的熱情招呼認真的出品沒有偉師傅的何必館已經不是舊日的何必館了...........…查看更多

何必館- 雖然佢晚飯可能不及七福、灣悅等傳統粵菜餐館，但係去何必館飲茶絕對係一個保證，尤其佢嘅蝦餃，雖然$80 1 籠（其實好多地方而家叫個蝦餃都要60至80）、你會食到佢功夫紮實，蝦彈牙爽口，唔會過濕，放耐啲唔會乾爭爭，皮唔會過硬，咬一啖落去，有少少爆汁，加上筍香，真係回味無窮。荷葉飯：260 半包，即叫即做、熱辣辣足料炸子雞： 一名叼嘴嘅叔叔都話呢間炸子雞好食，雞皮脆，用新鮮雞，雞肉有汁、配檸檬汁同少少准鹽, 美味單尾亦都係一個亮點，基圍蝦炒飯，爽身，碟底冇油，仲想點？傳統甜品譬如菲林卷，蘋葉角、紅棗糕, 黑糖糕、都係上乘之作…查看更多

Ho Land, a Michelin Guide Cantonese Restaurant started in 2020 by Chef Lau. Not a very big restaurant but cosy enough 😊 . Today’s lunch we did not have fancy dishes only a few nice yummy dimsum … 1) Stewed beef tribes in satay sauce 沙嗲金錢肚 $602) Steamed shrimp dumplings 蝦餃 $803) steamed flat noodles with shrimp & egg 鮮蝦腸 $804) roast crispy skin roast pork 脆皮燒腩仔 $2405) Fried glutinous rice 糯米飯 👍🏻 …查看更多

📍何必館Michelin Guide Recommended Restaurant A good Cantonese restaurant with some traditional dishes that bring back my childhood memories at 福臨門. Recommendations: • 炸蟹蓋 (Stuffed with loads of crab meat mixed with the sweetness of the onions. My favorite of the meal!) • 炸子雞 (Crispy skin but some parts of the skin went missing?!)• 皮蛋芫荽滾魚湯 (As all of the 老火湯 was sold out, this is actually quite a good replacement) • 蛋白杏仁茶 (silky smooth) Price: HK$1500 pp (dinner) Revisit: 8/10 …查看更多

一向有去何必館食晚飯，第一次食lunch, 大失所望，不知所謂。菜式都好咸。叫左隻雞，好鹹。同侍應講，佢答我入面有金华火腿。其實啲咸味點黎吾重要，重點係太鹹，但係餐廳嫁default position 就係佢地一定無問題，所以咁樣答個客。跟住上個冬瓜盅，一行7個大人都覺得好鹹，點係小朋友食。同侍應講，佢又答我有金华火腿，跟住佢攞左碗湯俾師傳飲，出嚟同我講，師傅覺得吾鹹無問題。第一，我地一行7個人都覺得鹹，好明顯吾係個人口味問題；再者，我地係客，食嫁係我地，俾錢埋單又係我地，你淨係個冬瓜盅都過千蚊啦，吾啱客食都算，點解可以同我地講係我地口味太清淡。最後，我地叫左個菠菜苗，又係好鹹，價錢仲係$420😱😱😱我地問佢點解咁貴，佢先話幫我地加大左半份，但加大之前無問過我地，黎到size 亦係正常。加大先正常分量，吾加大咪好小？？入得嚟食飯都冇預過平，但系吾好好似劏客咁囉。…查看更多

同老婆2個人食晚飯哎左4樣野1.叉燒（例）2.炸子雞3.竹笙豆腐4.荷葉飯叉燒：8/10 好食，對得起個價錢炸子雞：本身係重點想食所以再細緻評分皮：10/10脆味：6/10過咸刀工：3/10太多碎骨，而且好多舊都冇斬得斷總評：6/10 記憶中 褔臨門既炸子雞係必食 所以滿心期待 呢到唔差 但有小小失望竹笙豆腐：9/10 呢個絕對係驚喜，純粹想搵個菜食，今晚最滿意！荷葉飯：7/10 不過不失，蟹殼有超小心處理過但不得不說,侍應服務態度：10/10佢哋唔會話做得太over，但全程食得好舒服反應又夠快人均：$600+翻食：8/10…查看更多

第一次幫襯，4月中 外賣福建炒飯同肉鬆炒四季豆做晚餐，6點打電話落單，半個鐘後有得攞。外賣自取無折扣依家好多間食店外賣自取都起碼有9折，何必館就冇喇！食物份量少盒炒飯份量得三份一盒，得一碗半飯，唔夠食！四季豆都係得細半盒，份量好少！勁多味精最大最大嘅問題係勁多味精，兩盒食物勁多味精勁鹹，㕑房好重手，食完要不停飲水，好郝喉，半夜都要起身飲水！唔值咁貴炒飯$260, 四季豆$250, 一共$510, 兩個人食，份量少又唔好食，完全唔值咁嘅價錢。…查看更多

味精多得過份。個乜花膠湯，花膠無味，湯勁多味精！咕嚕肉，大把外賣都比他好！炸子雞：鹽使唔使落咁多啊！皮夠脆，太多鹽，炸過頭，肉乾無味。係骨頭裡邊都無紅色！我想建議大廚用稍微好點的生抽，你用的生抽完全沒有醬油味。試了豉油王炒麵的結論。炒菜心都唔掂。好心你唔好咁懶用醋浸蒜蓉啦！食到酸味啊！新鮮切啦！馬來糕可以考慮別用那麼多化學品，黑糖或蔗糖可以用好一點！我係個西廚，我肯定呢到好多嘢我都煮得好過呢個廚！大劉家廚？係唔係返一日就被大劉炒果個啊！今晚星期三，係唔係真係跑馬唔可以食飯定人哋把間嘢吹過龍？如果您唔識食，我強烈推薦！包你滿意。環境服務一流。您識食，唔好浪費時間，完全唔建議試。…查看更多

晚晚要食住家菜，最苦嘅相信都係家中最為食嘅大肥爸爸，每隔幾日佢就會話想去邊度邊度，由開頭單憑記憶都演變成寫埋清單！晚市一開，肥肥家族第一炮就試咗最近屋企嘅「何必館」。據悉大廚出自名人飯堂「福臨門」，其後曾被劉富商私有化，來頭絕不惹少；現於新店擔當主理一職已不用管太多了，店名莫非寓意著要豁出去？！間隔以木為主嘅中菜廳設有數間私人廂房，分別可容納二至十六人。用餐大堂簡單以中式屏風裝飾，收銀處則擺放著和風招財貓，傳統嘅風格似乎係會接受來自外國嘅構思喎:)。服務生專業有熱誠，態度和藹友善。四人被安排入座廳內近窗嘅圓枱，配上厚墊椅櫈，舒適闊落。舖上枱布嘅餐桌上除咗每位席上擺有齊備嘅自用及公用餐具之外，亦有提供濕紙巾及口罩套，衛生意識極強。因深知傳統功夫菜有部份需時備製，所以訂座時已經寫咗幾道餸。中英對照嘅厚本餐牌共有十三頁之多，其中最後一頁列出雜項收費詳情，包括茶錢（$20/位）、切餅費（$100/個）及開瓶費（$200/樽）；眼見網上資料未為齊全，細佬就藉此機會續一上載。蟹皇海虎翅（$1,580/位）：為咗要試多幾款菜，所以就訂咗兩碗媽咪想食嘅蟹皇海虎翅分，廚房好有心地預先分好四個半碗，認真體貼。海虎翅粗長脆滑，橙亮鮮艷嘅蟹皇湯底香濃甜美，入面真係有雪白幼嫩嘅蟹肉絲架！欖角陳皮絲炒斑球（$540/例）：聽到經理姐姐同隔離枱客人提到廚房五點半剛剛劏咗條黃皮老虎斑，所以就叫咗客例牌黎試。新鮮劏出嘅海斑魚肉細嫩白滑，散發著芳香嘅魚皮軟滑起膠，絕對係真材實料！雞子戈渣（$220/例）：好多人聽到「雞子」都經已打哂冷震，話哂解剖學上係指公雞嘅睪丸，唔係咁多人接受得到，不過小肥都係聽姑婆講解先知道餸名嘅來歷原來係有典古架！相傳「雞子戈渣」乃北方菜，話說有位廣東人甲某北行時初嚐菜式後迅即愛上，南下返家後即試圖「鍋炸」（發音問題演變成「戈渣」）烹調，但點都煮唔出原味，後來先發覺因由其實係北方人口中嘅「雞子」應為「雞之子」也，即雞蛋，甲某卻以廣東話誤解作成「公雞嘅睪丸」，最終名菜於南北兩面就出現咗不同版本嘅「雞子戈渣」，南派用公雞睪丸加雞蛋、北派只用雞蛋。煮理粵菜嘅「何必館」以南部嘅配方混合雞蛋及雞子作食材，並將蛋黃嘅比例上調，製成品巧薄嘅皮層酥化香脆，毫不油膩，入面個心則鬆軟柔滑，幼嫩無比，師傅將含有雞子嘅點心砌出花形，當真有心思！炸釀鮮蟹蓋（$180/隻）：同翅翅一樣四個人分咗兩客蟹蓋，師傅喺中間斬嗰刀夠哂乾淨俐落！脹卜卜嘅炸蟹蓋皮薄脆巧，蟹肉餡料中並冇溜滯嘅醬汁，撈入鮮爽嘅洋蔥絲足以增添鮮甜及爽潤，屬蟹蓋中較輕盈清香嘅演繹。椒鹽鮮魷（$160/小碟）：炸至金黃嘅鮮魷魚香口惹味有嚼勁，個人只係略嫌菜式唔夠乾身，效果未達最爽脆。豉椒味菜炒肚仁（情商預訂）：此味炒豬肚尖於餐牌上並冇列出，係撻朵先情商預訂到嘅特別製作，XO仔懇情讀者們不要為難餐廳點選。利錢低嘅豬肚尖矜貴在於每隻豬只有一個豬肚尖，炒出一碟例牌即要用上好多隻豬，疫情下少咗食客，對餐廳黎講要煮出就更有難處，還望大家見諒。豬肚除咗清洗需時，另外考師傅刀法嘅仲有挑筋，少啲功力都會糟蹋咗啲肚尖！如相所示，每片大小適中嘅豬肚尖巧薄有光澤，食落柔韌脆嫩，鮮爽甜濃，即使只能供大家參考都必需要展示嘅極品也！蠔皇手撕雞（$260/半隻）：平時食開嘅手撕雞入面嘅雞絲外型都係幼而修長，而且好少見骨。意外地，面前嘅手撕雞以炸出連骨嘅雞脾及雞翼位綑邊，中間肥肥短短嘅雞絲大多都連雞皮，肉質咬落更為潤滑香軟，啱哂細佬口味！鮑汁鱆魚雞粒炒飯（$230）：單尾哥哥點咗客之前喺富臨門都有食過嘅鮑汁鱆魚雞粒炒飯。飯底煙韌濕潤，可惜鱆魚嘅味道好似咸魚咁濃烈，蓋過哂鮑汁嘅鮮甜。走高檔路線嘅「何必館」環境簡樸中仍不失中國風彩，服務生體貼好客，傳統功夫菜用材高質，味佳可口，只係價格偏高，疫情下可考慮推出優惠套餐吸引貴客，已何必管了，那麼就豁出去吧！…查看更多

一行四人來到前「福臨門」主廚於灣仔新開的「何必館」XO醬鴨舌，XO醬惹味，鴨舌香滑入味，不錯。蜜汁叉燒，上碟時仍然熱辣辣，加分。半肥瘦梅頭，微燶邊，香口。香煎蓮藕餅，涵肉多汁，面香口無油夠乾身，不錯。淮杞螺頭燉花膠片湯，湯頭清甜，花膠夠厚身，出色。花雕蛋白蒸蟹鉗，花雕酒香撲鼻，蛋白嫩滑，蟹肉啖啖肉，十分出色！羅白炆牛筋腩，牛腩夠濃入味，牛筋夠淋，送白飯一流。招牌茶燻雞，茶香味濃，雞肉嫩滑，配上特調醬油，十分出色！薑汁炒芥蘭，不錯。菜色精湛細緻水平甚高，和福臨門比不遑多讓！…查看更多

女友介紹這中菜餐廳, 是由大劉家廚劉國偉師父與福臨門的原有班底主理, 可以說是福臨門的延伸. 地點在車氏粵菜軒的原址, 對面就是家全七福, 兩家福記分支在同一條街道上, 相當有趣. 劉師父在福臨門與大劉家中的經歷就不多說, 詳情可看飲食男女的報道, 而餐廳樓面面積不大, 但裝橫光鮮而整齊, 待應服務周到, 絕不比福記的遜色.我和女友吃的是點心, 定價比五星級酒店的中菜餐廳便宜, 與福記差不多. 可惜的是今天沒有她最愛的春風得意腸粉, 而福記甜點必點的豆沙蘋葉角, 這裡比起福記更出色. 蘋葉也就是鳳眼果葉外表翠綠, 帶陣陣清香, 糯米皮軟糯和濕潤非常, 豆沙餡極之綿滑, 比福記更大份量和更有清香是其值得表揚的地方. 叉燒火喉十足, 外焦內軟, 甜香和肥瘦度平均, 只是切得太幼细, 再大塊一點就好. 蝦餃和煎米雞也值得表揚, 前者面皮纖幼, 內餡加上鮮筍口感更為複雜. 後者是糯米雞的變奏, 煎開的糯米外脆內軟, 內裡除了雞件還有鹹蛋黃, 咸香和油香取代的荷葉的香氣, 更為邪惡. 至於比福記有點兒遜色的, 也許就是其牛肉球, 這裏牛肉球口感彈牙, 但欠一點細緻, 與福記的一咬即化, 軟融在口的比較, 後者就像經典的蒸牛肉餅一樣可喜. …查看更多

中午有朋友約飲茶, 選址是灣仔一家樓上的中菜館, 在大廈電梯大堂排隊已見到不少金融界前輩也在等入電梯, 進店觀察, 店面裝修是傳統高級中菜的裝修, 但地方不算寬敞, 侍應員工都熟口熟面, 很多都是以前係其他高級中菜酒樓過檔的, 聽聞此處的廚房是以前福臨門的班底, 估計出品水準應該不會差到那裡!友人介紹這裡主力粵菜, 午市飲茶有傳統廣東點心,  因為疫情禁令剛解封, 各人都想大吃一番補償, 同行友人點了一個例湯和10種點心. 我首先是試他們的蝦餃, 因為點心蝦餃做得好, 其他點心也不會太差, 而且蝦餃較難由工場生產, 必须新鲜當天做, 夾起一件一口咬落, 有汁, 蝦肉彈牙, 呢個口感是非常難得, 跟隨是試燒賣, 肥瘦豬肉平均, 爽口. 例湯是甘筍,栗子, 粟米,淮山, 煲豬肉. 用料是五花肉, 有肥有瘦, 火候足, 各人對點心和例湯讚口不絕. 另外驚喜的是他們有皮蝦子柚皮, 因為現在柚皮已經很難找到人懂得做,而且選用的柚子亦都很難找得到.  所以現在市面上已經很難吃到這個菜. 甜品方面他們有做芝麻卷, 因為做工麻煩在其他酒樓已經很難找得到.店長說這裡所有點心都是自己出品, 沒有其他工場交來的. 友人見我們喜歡傳統粵菜, 特別點了一個欖菜豆豉炒石斑魚片, 這一個菜除了味道配搭好, 最難得是每片石班肉片都很完整, 做過炒魚片的朋友都知道炒班魚一落鑊便散開, 很難一片片完整的.整體來評, 這家菜館出品的點心, 招待和環境有能力在香港高級粵菜茶市站一席位, 我會再找一天試他們的晚飯再來評价。 當然高級食府不能用一般價位去衡量是否抵食.…查看更多

鹽焗雞連雜慘變茶燻雞冇雜！兩星期前訂了父親節六點鐘的頭圍，寫好了菜單，還是不放心，專登前幾天去試菜。午市去到，全場客滿，叫了點心，清湯翅及數款小食。試過後，蝦餃的皮穿了，其他的出品尤其是清湯翅卻有福記的水準。父親節那天的五時五十三分，收到餐廳經理的電話，告訴我們説㕑房漏了單，準備不了鹽焗雞，只能用茶燻雞替代。上菜時，茶燻雞沒有了雞雜，上湯雲耳皮蛋波菜苖不見了皮蛋。店大欺客，恃著主廚和班底出身於福臨門，又在城中某富豪家中當了數年家廚，雖則開業半年，顧客還是聞風而至；但這樣的待客之道，生意又可以維持多久呢？…查看更多

大劉家廚的故事大家都聽過，亦有很多朋友打卡，所以今天約朋友來試試。點心 - 跟街坊茶樓比較，不相伯仲，蝦餃燒賣從賣相到味道都好一般，不吃也罷。叉燒 - 另一款經理介紹，嗯⋯⋯也是很麻麻，肥位很多。蟹蓋也是推介 - 賣相ok、裏面滿滿是洋蔥 🧅、蟹肉大約佔1/4 魚翅灌湯餃 - 唯一全天最出色的炸子雞 - 皮很薄很脆、肉不夠juicy 荷葉飯 - 也是冇乜嘢囉⋯⋯不知道是我點的菜色有問題還是白天的廚師跟晚上又不一樣⋯⋯反正對食物很失望，但服務絕對OK，幾位服務員都非常醒目。…查看更多

之前係車氏，當時D枱擺得幾密，祇係幫襯過幾次。現在新店空間感好好多。今日叫了壽眉，個茶都唔錯。點心選擇唔算多，同福臨門及七福差唔多，價錢都係。先食兩個小吃，核桃腰果香脆、蘿蔔同木耳都惹味。燒腩仔好味。點心有質素，推介煎米雞、蘋葉角同芝麻卷。…查看更多