影片
更多
2022-05-08
1846 瀏覽
係某Channel 睇到介紹依間位於大元邨街市新開既西式cafe, 老闆係一位五星級酒店做過的大廚，然後出來開一間自己的店，對食物係有要求，睇得出食物係講究的。5月7日，夜晚7:15pm去到，話兩位堂食，個女待應A小姐就態度麻麻地咁話，要等兩張枱喎，同埋7:30pm last order,我就話無問題，如是者，我企左係附近，個位置都唔係店舖條路既中間，其實都唔會阻到佢地，加上全部枱都係內側，跟住另一位男待應B先生又用唔友好既態度過來話，要企出去等呀!要留返條路比佢地拎野喎! Ok fine, 企左出去見到「試業中」,5月17日先正式開張，哦！咁睇來班員工都好新，唔怪之得班員工既態度好似未train過咁既款啦!!!等到7:30pm入座。是咁的，我是特地前來是支持食物的，所以我都無走到。首先上的是蕃茄湯，飲落有好重既紅椒味，蕃茄味偏淡，勝在大碗囉。蕃茄沙律，係清清地，因為個蕃茄一開四，無加其他調味，所以毫無任何特別，沙律菜正常味，唔會係有機個種清新，唔係高級野，尚可嘅。主菜兩款，先講好味個道，亦都係吸引我來唐源既主要原因：法式油封鴨腿，賣相好正，講真似fine dining, 酒店級水準，
5月7日，夜晚7:15pm去到，話兩位堂食，個女待應A小姐就態度麻麻地咁話，要等兩張枱喎，同埋7:30pm last order,我就話無問題，如是者，我企左係附近，個位置都唔係店舖條路既中間，其實都唔會阻到佢地，加上全部枱都係內側，跟住另一位男待應B先生又用唔友好既態度過來話，要企出去等呀!要留返條路比佢地拎野喎! Ok fine, 企左出去見到「試業中」,5月17日先正式開張，哦！咁睇來班員工都好新，唔怪之得班員工既態度好似未train過咁既款啦!!!等到7:30pm入座。
是咁的，我是特地前來是支持食物的，所以我都無走到。首先上的是蕃茄湯，飲落有好重既紅椒味，蕃茄味偏淡，勝在大碗囉。蕃茄沙律，係清清地，因為個蕃茄一開四，無加其他調味，所以毫無任何特別，沙律菜正常味，唔會係有機個種清新，唔係高級野，尚可嘅。
主菜兩款，先講好味個道，亦都係吸引我來唐源既主要原因：法式油封鴨腿，賣相好正，講真似fine dining, 酒店級水準，油鴨封腿煮得好淋好入味，個牛角包waffle配埋隻蛋同特製醬汁，真係好夾！係好食嘅👏🏻
另外試左個 Angus Beef Striploin Rice , 牛肉唔會太肥，唔係重口味既煮法，用左幾種香草煎香，而且仲好有肉味，配埋法式牛油底既飯，少量蔬菜伴碟，都不過不去，最緊要係晚餐包一杯飲品，算抵食，我就簡左Flat white, 不過有要求食完飯先上飲品，當時待應C先生都話無問題。
點知食到7:45pm, 待應C先生行埋嚟話唔好意思呀，杯Flat white都要出啦，估計佢地想盡快收工，拿拿聲洗左部咖啡機，我就話，好啦！不過咁樣其實一開始就唔好問我杯咖啡想幾時上啦，ok又fine, 我食到7:50pm, 待應C先生又行過來話要埋左單張先，我話都ok, 收唔收Alipay?佢話可以，跟住行左返去cashier, 點知待應A小姐，好大聲咁話: 咁叫佢出黎埋囉!然後待應C先生又過返來想叫我出去埋左張單先，我已經覺得火大了，你唔識得拎部機過來掃既咩?所以我就特登好大聲咁話:而家食更飯喎，點出去?不如你過來收?話曬都未完個疫情囉，我出去係唔係要帶返口罩呀?有無影響其他食客?會唔會咁趕時間?言畢，待應C先生就咁敗走左，待應A小姐就無再出聲了。
食完野都係8:00pm就出去埋單，待應B先生連多謝都無句，真係唔知點樣教客戶服務，仲好意思收加一服務費，食茶記都無咁鬼趕，坦白講我都無覺得顧客永遠是對的，你尊重我既話，我咪尊重返你囉，成個用餐過程，加埋都係半粒鐘，咁趕收工?8點有幾夜呀?咁趕你下次再早少少唔比客入啦，我係老闆真係要考慮換過曬待應囉，見個個都係寫D野好食，但係服務都係重要架喎，係大埔大元邨街市收200蚊位，唔算係平囉，但係咁樣趕頭趕命，仲要受氣咁食，我諗都好難有下次了，班待應真係到倒米，Bye!
題外話/補充資料：
食之前，諗清楚你想唔想比兩三百蚊一位既價錢，去體會澳牛咁樣既服務水平。
(以上食評乃用戶個人意見 , 並不代表OpenRice之觀點。)
張貼
