唐源

營業中

休息中

大元街市經過改造後，進駐左幾間食店，Goldy Cafe係我其中1間心水之選。今日試左佢個Pan fried chicken Steak，一大塊雞胸肉煎得好香，食到皮既邊位微蕉，有香脆口感，一口咬落去，肉質嫩且有肉汁，賣相不錯。配菜有薯條、西蘭花、珍珠筍同茄子，欣賞佢配菜都係用心煎過，而且火喉控制得好好，調味也突顯到食材本身既風味，但遺憾是我外賣，店家無將薯條分開盒裝，以致薯條淋左，實屬美中不足嘅地方。朱古力奶好濃郁滑順，質地濃稠，有層次感。

今日放假，諗住去街市買D材料返屋企煮飯仔。街市內有幾家食店，Goldy Cafe店內座位不多，正值午餐時間，門口已經排緊，咁不如買返屋企慢慢嘆。品嚐左他們既佛羅倫焗魚柳伴義大利麵、蕃茄沙津，餐飲就係抹茶拿鐵。佛羅倫焗魚柳伴義大利麵~魚柳的質地非常嫩滑，意大利粉炒得剛好，香氣撲鼻，麵條軟硬適中有口感。蕃茄沙津～一道清爽的開胃菜。從照片所見，蕃茄同蔬菜既新鮮度好高，蔬菜有一定既脆度，每啖都充滿了自然的味道，作為前菜，係不錯既選擇。而抹茶拿鐵，綠茶味濃，更似１杯綠茶鮮奶，我覺得相對食品，飲品比較遜色。

今日放假瞓到日上三竿先起身去食飯。本來想是但搵間餐廳食，但係撞正午餐時段周圍都要等位剛好經過唐源見到佢bar枱仲有位，之前又一直想試，可惜次次都多人就無試過，今日終於有機會啦我叫咗個午餐，前菜要南瓜配慢煮雞胸沙律，主菜係紅鰹魚柳伴意式茄乾，蘑菇馬鈴薯丸子，再加$30要咗個甜品，藍莓紅絲絨蛋糕同加$10要咗杯凍朱古力咖啡首先前菜，南瓜配慢煮雞胸沙律。賣相很好睇落好有食慾感味道唔錯，但係雞胸個人覺得唔得，口感有啲似生肉同埋有啲難咬開，所以五星滿分我俾三星。主菜紅鰹魚柳伴意式茄乾，蘑菇馬鈴薯丸子。不得不說，佢哋擺盤賣相真係做得幾靚食落去同前菜一樣，哈哈，主角紅鰹魚扣分，魚無味，但係其他配菜做得出色，味道很好凍朱古力咖啡，除咗咖啡有嘅苦味，完全唔覺有朱古力味而且亦無咖啡香。失敗之作最後甜品，成個餐最好食係佢藍莓紅絲絨蛋糕，唔會好甜，味道剛剛好，又有少少藍莓粒埋單$152，性價比一般題外話，我一起身就出咗唻食咗呢一餐，個人腸胃有些少過敏(食生冷野無問題架)，少少唔乾淨都肚痛。食完唔夠半個鐘就搞肚。呢餐之前之後無食過其他嘢，唔知同呢餐有冇關係。又可能係我個人問題，不過唔會再嚟食了

想用心記錄生活痕跡，所以努力寫食評紀錄補返前幾個禮拜日入大埔睇朋友證婚之後搵下有咩得大埔先有，其他地方無既小店見到呢間Goldy 係街市中的法式西餐廳，因為睇食評都有話性價比/味道/ 服務一般，我地只係都係抱住試一試既心態黎到望到餐廳唔大，大概得二十個座位上下waiter 有心提示可以坐bar 台唔係可能會等好耐，我地都有提出如果有普通台可唔可以到時幫我哋安排轉 (答左可以） 之後落到上菜，waiter 其實服務正常(不過最後無幫我哋轉到枱，反已幫遲過我哋入嘅人，都係坐bar 台既"轉"左 )甘筍湯 正常，ok 的 呢個牛角包我可以比五星脆+ 多蛋+ 黑松露 當然佢唔平 好似$8x 但都足料白酒燉雞配白飯有白酒味，同埋雞都好多件！不過只可以話法國菜真係唔易煮感覺用既材料都唔係平，但個味梗係比普通西餐輸蝕... 牛排少失望，第一無得簡medium / 再生d 切開就好熟煎得靚，但相對自己就唔鍾意呢個口感甜品味道正常，ok 的最後一個覺得幾得意，覺得餐廳中/ 英文名無咩聯繫，唔知有無特別意思

第一次寫食評，真心好失望既一餐，失望到要做會員寫文...訂位前都睇過comment好評多個差評，所以都有期待：1.叫左個dinner set 既"特級酒館式牛西冷配黑胡椒汁",落單時request 5成熟，點知切開well done 咁滯，同餐廳反映over cook,點知回覆係：尼隻紐西蘭既西冷冇得5成熟...what?😅話要揀廚師推薦先可以選擇幾成熟🤷🏻‍♂️2.甜品：其中一份要左朱古力cake,上碟時放cake 既膠托有張（use by 09-11-23)既label...賣過期食物？？？🤔服務態度就一般般啦不過話係前五星酒店總廚主理，真係不敢恭維，我都想知邊間五星酒店🥲

可能我大鄉里啦，真係未食過得一粒嘅Egg Benedict😂仲要同出面價錢差唔多咁大隻碟得一粒，唔知係咪唔夠貨呢但我去嗰陣係啱啱開鋪原來一年可以相差咁遠菠蘿冰茶還好，係淡啲囉環境還好啦，朝早去有好大個太陽雖然喺村入面，但餐廳出面係空地，所以個境都ok本身放假去開依頭剪頭髮，諗住食返個靚早餐揾到依間cafe，但估唔到Egg Benedict得一粒仲想講今日好好天，適合放假，但依加假期嘅好心情被破壞1/3🥲

［Goldy cafe - Tea Set］🇮🇹🇮🇹🇮🇹Tea set: $78大元邨街市除左平台上面有野食買餸個度都有間細細的CAFE個景都算幾開揚望返住大元邨可以忙裡偷閒咁TEA SET主要係食牛角酥😍❤️個牛角酥好鬆脆❤️D吞拿魚係一塊塊既唔係碎濕濕❤️個擺盤都好靚呢個都幾加分❤️好少地方叫熱檸茶俾埋HONEY呢個都幾加分位但就$78牛角酥連野飲, 價錢就覺得貴左D啦.輕食係可以既🙂但唔會令人飽肚的感覺

今日嚟到太和街市裏面小店cafe lunch set 選擇都很多今次試吓香蒜片蝦意大利粉，餐湯南瓜湯都好Creamy意粉用咗一些Bacon炒感覺好夠味道，啲蝦肉都好新鮮彈牙，飲埋杯Cafe Latte 見到個拉花都用心製作值得推薦再來

大埔大元邨街市入面有間精緻西餐次次去到都大排長龍而家見冇乜人就去試下.🥩榖飼安格斯牛里脊伴牛肉飯 $𝟭𝟮𝟴Set lunch其中一款送甘荀湯+咖啡(𝗠𝗼𝗰𝗵𝗮都唔洗加錢😮‼️)有𝟱件牛里脊肉煎得好嫩加埋邊位啲脂肪一咬下去超多汁飯係mix左牛油超香口法邊豆甘荀仔都好清甜太好食如果份量多啲就好.🍗法式白酒忌廉燴雞 配牛油飯 $𝟭𝟮𝟴難得黎到就試下散叫嗰啲餸呢個燴雞網上評價好ok 首先雞好入味好滑忌廉汁入面啲配菜全部都食得幾舊大大件的薯仔成碟汁都可以當湯飲如果有得撈飯應該可以撈好多碗.☕️跟餐mocha 拉花好cute見到都開心.每人百幾蚊就有咁高質既西餐雖然份量唔多但呢個價錢+質素仍然算抵到爛一定會再訪試試其他菜

香港人識飲識食, 連屋村都可以有咁高級靚既法式餐廳, 唔駛成日茶記, 轉下口味平平地叫左兩個$98 lunch首先有個soup + bread, 湯幾好飲, creamy 順口, 加埋bread幾好另一個叫左salad, 呢個幾欣賞, 係排得靚靚的主菜係Swedish Meatballs with Pasta呢到既意粉都幾特別, 一條條短短的, 肉丸有口感juicyCorn & Basil & Cod Fish Fillet on Orzo Pasta (Chowder Style)呢個pasta 有好多湯, 因為係chowder style都係好creamy 最後叫多杯拉花coffee, 好搞笑好有趣味性

收藏左呢間餐廳一段時間，一直無去係怕要排隊，最近路經剛好唔洗排隊就試一下。點左2個lunch set 一個鳕魚意大利米型麵，另一個安格斯牛里式脊配飯，頭盤點左一個忌廉薯仔湯同蜜瓜巴馬火腿沙律。湯味道好好，唔會只有忌廉味，份量也多，share一半剛好。沙律份量比較少但擺盤精緻，蜜瓜超甜，但巴馬火腿就一般，唔特別濃香，沙律汁係傳統醋汁，幾開胃。主菜方面，魚係Cod fish無咩魚味而且無特別調味就覺得完全無味，比較一般，意大利米形飯有d蕃茄，磨菇，正常意粉調味。牛里脊飯，有一塊牛扒份量，牛質素非常好，唔會過熟，中間仲有少少紅，唔硬，有牛味。飯唔係白飯，有d似海南雞既油飯，呢個餐先128蚊（未加一）真係好超值。始終呢度係街市，周圍環境唔及得大商場，而且坐位會比較迫，服務正常，唔可以用大酒店／餐廳的去比。但以食物質素，呢個價錢絕對對得起有餘。

訂咗平日夜晚7點，電話訂位時店員完全無提，原來佢哋8點就關門(同時last order時間係7:30)！呢間餐廳個環境氣氛唔係食快餐？客人食三道菜晚餐(餐湯+沙律+主菜)嘅話，一個鐘頭時間係咪充足呢？客人訂位時先提醒一下係咪好啲？之後，可能成間餐廳得我哋一枱嘅關係，兩位女侍應好成功咁，全程令我哋全枱人都覺得佢哋好想我哋快啲走，唔好阻住佢哋收工咁… 較資深嗰位侍應一直黑口黑面，散發濃烈趕客氣場，令人唔舒服，而另一位就傻更更好新手咁食物賣相擺盤靚，晚餐餐湯同沙律正常水平，但油封鴨個皮完全唔脆，而且鴨肉味道偏淡，作為主打菜式令人好失望之前都嚟過呢間餐廳食飯一兩次，感覺都只係食物普通，服務有改進空間。今次諗住俾多次機會佢，試下食晚餐主菜，但今次服務係去到欠佳水平，遠低於餐廳走嘅路線/格調，加上全程趕住咁食，體驗極差，blacklisted！

睇到好多youtuber 推介大埔大元街街市既Goldy Café 唐源, 咁就去試下啦. 雖然間café 隱藏係街市內, 但地點都不是十分難揾. 去到都差不多3點, 因為要留肚吃晩餐, 所以只叫咗人人讚好的黑松露炒蛋牛角包, 仲有叫咗忌廉芝士三文魚BAGEL試下, 配Espresso 同Flat White. 可能因為好多人都話黑松露炒蛋牛角包好香好吃, 所以冇大驚喜, 但係佢個BAGEL 就比想像中好食. 脆脆既BAGEL 配蕃茄生菜, 鮮脆鮮脆， 好夾呀, 而且用了陳醋做底, 咁個味道更提升很多. 雖然冇比想像中平, 但都可接受, 有機會會試下佢既其他野.

住大埔咁耐，多數食茶餐廳早餐，好少機會食到呢d 既早餐，質素幾好，不過咁岩冇我想食既salmon bagel. 有機會下次想試下。個早餐價錢包一杯咖啡，我選左flat white, 味道正常。

這餐厅曾經是我喜愛的食肆.  但最近兩星期的食物卻令我們非常失望.一星期前我叫了白酒忌廉燴雞. 只有三小件雞塊.  其餘是薯仔.  雞肉十分乾鞋.  味道亦很普通.昨天，我叫了鱼柳義粉($98). 鱼是廉价的雪藏龍利柳, 竟然只有约1/3小片.  義粉亦太油膩。吃後我肚谷着微痛。 我同行者叫了牛肩飯($128)。 雖然牛肉份量不少, 但肉質非常乾硬黏牙，。相當難食。雖然整個午市套餐份量不錯, 但主菜質素不合格。以此質素，我們不会再光顧.希望餐厅可以改善質素。