金園茶餐廳

營業中

休息中

最中意幫襯茶記嘅快平靚正，只要你唔怕好多叔叔同你迫迫咁坐，就會有好嘢食！每次來呢間茶記都會叫呢個特餐，因為份量夠多又平，重點係快食快走！特餐有沙嗲牛肉麵、火腿奄列、牛油餐飽同熱飲，都係$38！佢個沙嗲牛係濃味嘅沙嗲牛放上清湯，唔撈均食，牛會咸左啲而湯底會無味！牛味都濃郁，都唔錯，係茶記嘅水準！驚喜位係個火腿奄列，火腿絲多，煎到大一大薄一薄都可以保持滑滑，勁！茶記梗係要飲奶茶，佢地個茶膽先係令人讚嘆嘅技術！所以叫左個茶走，都係奶茶嘅代表！