阿來泰式地道風味

營業中

休息中

約咗外國返嚟嘅朋友食飯，因為掛住食東南亞菜，於是選擇了旺角這間泰國菜。估唔到佢價錢平平哋，但係份量足夠又好味， CP值高，難怪平日晚都好多人排隊。串燒沙嗲🌟豬肉同雞肉串各有三串，份量比想像中多，醃得夠哂入味，加埋沙嗲醬汁，食落有少少辣，仲有花生粒，真係不得了！柚子沙律🌟係我好鍾意食嘅一款泰國沙律。有別於一般生菜，成碟都係柚子肉，清甜多汁，啱晒夏天食。泰式香芒蟹肉炒飯🌟賣相不算突出，但係味道好好食，仲有芒果肉，甜甜地很開胃。馬拉盞炒通菜🌟馬拉盞十分惹味，通菜新鮮，而且夠哂大份。椰青🌟食得泰國菜，一定要叫椰青，呢度嘅椰青都夠大個，夠晒抵食。