今日去拜下黃大仙，順便約埋朋友一齊食晚飯。
朋友問我食乜，我就呢排食得太多火鍋，想清淡啲，於是朋友帶左我去食日本料理！
一入到間餐，真係好鬼多人，要搞到排陣隊先入得啊。
裡面都幾大下，環境企理乾淨，座位都好舒服，服務員態度好好，幫我地準備好晒啲餐具。
好啦，肚仔餓，事不宜遲，馬上睇下餐單先！
1
裡面咩都有，有沙律，有小食，有刺身，手卷，同埋特飲！
咁我地叫左幾樣野！
第一當然唔少得就係刺身啦！
4點刺身盛
好食指數：10/10
有甜蝦，三文魚同章紅魚刺身，仲有靚蠔，鮮鮮鮮鮮！全部新鮮到爆炸！鮮蝦好鮮甜，章紅魚薄片勁有口感，三文魚油脂分布平均，仲要厚身，鮮香滑！生蠔食落去好鮮甜嫩滑，咬落去勁多汁，再經過喉嚨滑落去好爽！
黑松露香芒甜蝦卷
好食指數：10/10
將甜蝦搞成蓉，再點上黑松露，再配埋新鮮香芒。
一口咬落去有層次感，大家唔會搶到大家既味道，甜蝦鮮甜，松露油香，芒肉清香，各自各發揮！
千回火鳥
好食指數：9/10
本身係雞翼控，呢隻燒得勁香，送上枱仲香噴噴熱辣辣，唔會燒到乾柴柴，肉汁鮮嫩，皮脆可口！
大阪豬扒飯
好食指數：9/10
份量大大份，打卡一流。食炸物，我係勁鐘意多菜，呢款岩我啦！椰菜絲加上沙律木耳，清甜爽脆，滑蛋配上厚厚兼肉汁豐富既豬扒，非常好食！
飯香粒粒，唔會話浸到淋晒，有水準！
自家製梅酒
1
清甜而唔會甜膩，酒清香又唔會太嗆喉，飲落下喉龍同食道好舒服！
總結黎講，係值得推介既餐廳！
