百喜 (已結業)

喺繁忙既觀塘區lunch hour時段，難得仲搵到空位所以就喺呢間食。 是日午餐選擇唔係牛就係雞，選擇唔多。最後要左個胡麻醬沙律拼雞扒同湯米線，連埋像品都係38蚊，對味道唔會expect太多，一上枱，先個份量嚇親，個沙律堆到滿滿，胡麻醬都比得好多，食到底都有，啲菜都好新鮮，連塊雞扒都好幾大塊，上面喺滿滿既洋蔥汁，啲肉質都唔錯。米線唔會話煮到太淋，都ok, 最得意係加左粒西蘭花落去，一碗白色米線入面有一粒孤獨既西蘭花點綴下😂除左沙律仲有煙肉炒蛋可以揀，見到隔離有人點左，一樣都幾大份。整體味道還可以，但咁既價錢有咁既份量，性價比算高。