百喜 (已結業)

觀塘返工既好處係：梗有選擇✌🏻😋 百喜係同事口中既平民飯堂，通常去到月尾，就會見一理親切既同事係呢到出現，因為大家都糧尾，需要搵啲又平又飽肚既餐廳黎捱到出糧日🤣百喜好既地方係佢地既食物種類同款式多，勝在夠便宜，叫一個豬扒炒公仔麵加杯野飲都係四十蚊內。但同事覺得餐廳清潔同衛生度可再改善，但我本人認為冇乜問題，因為咁先夠地道，夠港式茶餐廳風味！

我呢幾日仲咳緊 , 但比白汁...魚柳字眼吸引 , 唔理吉列熱氣照要啦.....點知白汁醬好多 , 浸住魚柳食 , 完全唔覺食緊炸物 , 魚柳又好淋身 , 整體係好味既 , 件魚柳足有大人成隻手掌咁大 , 個意粉份量仲多到我都食唔晒添(其實連魚柳都食唔晒>.<)

觀塘茶餐廳有好多，當中出名快、靚、正就係紅茶同龍城冰室。但係眾多茶餐廳講到平、靚、正，我就會推介百喜。百喜同紅茶、龍城一樣係駿業街，而且就係龍城冰室旁邊。不過佢就冇好大嘅招牌同好靚嘅裝修。只可以經過嘅時候係門度望到呢間餐廳。一入去冇人帶位，自己搵位就可以叫嘢食，今次就叫咗吉列魚柳、多士、炒蛋配奶茶成個早餐最好食就係塊吉列魚柳，仲大過塊多士，咬落去非常脆，炸嘅時間配合得剛剛好。呢份早餐埋單都只係$28。呢個價錢，你好難係其他店鋪搵到。

一個人食午餐，咖哩吉列豬扒意粉，連熱飲都係45蚊，好食，大份，正一切開塊豬扒，好厚，真正外脆多汁，味道剛好，最怕過咸。不過啲意粉太淋……扣咗分。但整體已經勝過唔少食店，值得推介。

晚上上堂前的準備，同學們已在這裏搵到位坐，今天的特價下午茶，是魚柳包加紅荳冰，16元。有兩名同學仔也點這一款。魚柳包正常，魚柳與麵包的大細相若，生菜加醬汁，紅豆份量雖然不是太多, 但已經非常便宜。乾炒叉燒河26元大大碟，不包飲品，跟餐加飲品需加$2-$4, 河粉質地不是太差，叉燒亦很多, 味道略為淡口，需加一點辣椒醬。特式拼盤 + 涼粉紅豆冰份量足，西多，司華力腸，春卷，薯條，味道正常，加埋涼粉紅豆，份量一般般，二十幾蚊，又一抵食茶餐。總括大家說：抵食！

When I knew that I need to work at Kwun Tong... I’m thinking what should I have for breakfast. One day I passed by a restaurant without too many decorations but the price for sandwiches and hot tea combo is unbeatable and quality is great too. Highly recommend to people who work nearby. Saw their menu with reasonable price...will try it out later 😀😀😉😉

百喜位於觀塘熟食市場對面，入面好多位，岩哂觀塘打工仔放飯時段。最重要價錢相當實惠，選擇又多。雖然近年加左好多價，但佢嘅下午茶價錢仍然好抵呀。（2點至7點半供應）美式熱狗配紅豆冰 $16超平但絕對唔細隻既熱狗，腸仔係脆皮腸加左生菜同好多酸瓜嘅熱狗醬。熱辣辣上枱，正到不得了。紅豆冰好多紅豆，紅豆唔算好冧，但唔會過硬，幾好咬，夠大杯。 焗百加地豬柳飯 $29味道OK，係炒飯底，個汁係甜甜地嘅。豬柳嘅份量幾多，雖然話係下午茶，但份當lunch都夠架。雙餸通粉餐 包熱飲$23揀左煎蛋同冬菇，味道正常，賣相一般，通粉量都幾多，包埋野飲 OK LA

觀塘返工幾年都係買百喜早餐 早餐、下午餐都好抵食，快靚正!美式扒餐早餐必選之一  吉列豬扒同吉列魚柳真係正有時怕太油都可以食麵餐下午茶推介雞脾拼薯條配紅豆冰 又平又抵食

早餐必叫，送餐快又平$26就有得食，多數叫A餐，不過通粉方面時好時壞，有時水準好，有時就發到無得再發既通粉黎，試過一次堂食，之後都係外賣算，d位好逼，地下都唔太乾淨，所以我決定眼不見為乾淨，外賣係公司食就好。

平時返工唔得閒去買叫呢間外賣快靚正，有時仲有特價下午茶，叫個雞脾薯條10幾數咁又一餐，唔係特價午餐,就咁下午茶都唔算貴,$30蚊有找，仲要一個都很送到上黎公司。

喺繁忙既觀塘區lunch hour時段，難得仲搵到空位所以就喺呢間食。 是日午餐選擇唔係牛就係雞，選擇唔多。最後要左個胡麻醬沙律拼雞扒同湯米線，連埋像品都係38蚊，對味道唔會expect太多，一上枱，先個份量嚇親，個沙律堆到滿滿，胡麻醬都比得好多，食到底都有，啲菜都好新鮮，連塊雞扒都好幾大塊，上面喺滿滿既洋蔥汁，啲肉質都唔錯。米線唔會話煮到太淋，都ok, 最得意係加左粒西蘭花落去，一碗白色米線入面有一粒孤獨既西蘭花點綴下😂除左沙律仲有煙肉炒蛋可以揀，見到隔離有人點左，一樣都幾大份。整體味道還可以，但咁既價錢有咁既份量，性價比算高。

兩年前一次偶然下在觀塘工作，跟同事找間餐廳坐坐吃吃，從而認識了這間餐廳《百喜》，當年每週下午茶餐只賣$15。今時今日，仲有邊度地方下午茶餐都只係賣$16 包埋紅豆冰咁抵既餐廳啊。如果仲有其他既你地話我知*炒粉麵飯一如既往，快靚正 大碟又好味。焗飯飯底有炒底，唔系hea架，一樣正！今日本尊叫左個$16 雞脾拼薯條配紅豆冰，十個八個客都叫呢款！出面食隻雞脾起碼都$13,14啦，仲未必有呢度咁大隻tim。真心抵

過了三時才在觀塘午膳，行至日昇中心附近，經過一間門口細小的食堂，沒有招牌。門外放著餐牌，價錢甚抵食，望進去也有很多食客，便入去試試。下午茶餐的款式頗多，還有每周和每月精選。我揀了的肉絲炒麵，便屬於每月精選，與多款粉麵飯大部份都是$26，若要飲品或例湯，要另加$4。茶餐供應至7:30，難怪有網友說，放工後會來這裏吃完晚餐才回家了。肉絲炒麵很快便送上，賣相與一般酒樓的沒分別，份量亦足。新鮮炒成的麵條脆卜卜，麵上舖滿了肉絲、芽菜、青椒絲和蔥絲，配料還有草菰和冬菰片。炒麵的鑊氣十足，極為香口好吃，獻汁亦足夠，稍嫌油較多，都留在碟底。不過即使在酒樓吃價錢貴兩倍的炒麵，亦會如是。吃完麵後，我加$4叫了杯茶走，煉奶足夠亦香滑，但茶味不夠濃郁。飲完後才見到網友的食評，介紹這裏的鴛鴦很好喝，惟有留待下次再試吧。

不得不提呢一間係觀塘工廠區嘅隱世茶餐廳。佢嘅下午茶真係堅平。上星期放咗工之後就喺度食咗個西多士，都只係＄20連凍飲。大家可以睇下個餐牌，雞全翼配西多都只係20一蚊加埋凍飲都只係＄23 ,如果大家想食炸雞髀加西多士都只係加多兩蚊＄25姐，你諗下區內有邊間茶餐廳或者大型連鎖快餐店係可以做到＄25嘅咋比加西多連凍飲呢 。所以呢間茶餐廳真係平。仲有佢每個禮拜都會有一款精選 ,有美式熱狗（真係美式做法） ，炸比薯條， 每款唔同都只係＄16隻，超抵！

中午經過見到呢間飯堂，見到價錢唔算好貴，而且今日星期五，啲食物都幾啱食，就選擇喺呢度食lunch啦。其實係觀塘食嘢都幾貴，呢度40幾蚊一個餐已經算係平。同埋午餐有六個款俾你揀，都算係多。我就叫咗個個焗葡汁雞扒飯，熱Horlick。都幾大碟，雞扒嫩滑，葡汁濃味，而且個飯底夠乾身，全部滿足晒焗飯嘅要求，唔錯。