潮樂園 (和富道)

營業中

休息中

今日中午路經和富中心，原來和富道都有唔少食肆，見到潮樂園雖則舖位細細，2點幾仍坐著很多食客，應該唔差，於是就入內幫襯。潮洲菜我都好鍾意食，一定要食鹵水鵝先黎個鹵水鵝片并鵝腸，鵝肉十分鮮嫩，肉質很腍，而且咸淡適中，啖啖肉食到停唔到口；鵝腸也很爽口，一點也不韌，略有小小肥膏更潻香味。再黎個沙爹牛肉抄河，呢味係我去親食潮洲菜必叫既，上枱十分之大碟，超出我預期面層舖上厚厚的沙爹汁，入口香濃，很惹味，底下既河粉比較腍及幼身，牛肉亦很腍滑。魚旦粉，又係份量十足，魚旦魚片有很多件，入口彈牙有鮮味，再加上白蘿蔔，湯底也很清甜。最後叫了甜品綠豆爽，味道不是太甜，比較杰身，加上白果更有咬口。