田記魚蛋牛腩專門店 (塘尾道)

營業中

休息中

見佢好多街坊過黎幫襯，應該好食嘅。黎到餐廳午飯時段基本上係座無虛席，要等一陣先有位。牛腩魚蛋河係由待應姐姐介紹我試牛腩，估唔到都幾高質，牛腩連筋，而且夠淋身，加埋啲筋位好彈牙。成個牛腩河都幾夠腩汁味，唔錯。魚蛋食得出同其他餐廳唔同，呢度係食得出手打魚蛋嘅口感，都有驚喜！菜心全走（走豉油走蠔油）嘅菜心更加食得出菜新唔新鮮，以呢間咁嘅價錢黎講抵到爛啦。另外仲叫左凍奶茶，消暑一流啊。茶底夠濃得黎又夠滑，成間餐廳整體所有野都幾高質。值得一提嘅係，門口個雪櫃有得賣佢哋新鮮嘅手打魚蛋，買返屋企打邊爐都得！