大丼家 (已結業)

唔想食吉野家，又心思思想食牛肉飯，上網睇到有人推介大丼家，就一於黎試下啦！黎到原來唔只係食飯，仲有好多款色，有飯，有拉麵，有烏冬。不過第一次黎當然要試下佢個芝士燒牛肉飯！估唔到芝士好多，鋪滿晒成碗飯，好驚喜，上檯時熱辣辣，面層似用火槍燒過，一”筆”落去又有拉絲，好香，芝士控要一試！不過食到中段覺得略咸左少少，建議唔使落飯汁都得，都夠晒味！下次試埋黑咖哩先！另外環境又坐得舒服，服務唔錯，筲箕灣區終於有間好色既牛肉飯喇！