影片
更多
2023-09-11
85 瀏覽
懷石料理以量少、精緻、講究為特色，當然係特別日子先食☺️去咗一間賣相同味道都超高水準嘅日式餐廳❤️成餐飯都好似藝術品咁樣，睇到師傅嘅用心。食咗季節懷石$1380@ 師傅話會根據季節，而不斷更改餐牌，務求比客人食到當季最新鮮嘅食物!❁ 先付賣相真係好靚，原來係魷魚麵，師傅將新鮮嘅魷魚切成一條條好似麵條咁樣，上面仲有少少銀箔、特製醬汁。底部係蓮芋，咬落去爽爽地好新鮮。側邊配上鰹魚汁，將魷魚輕輕沾上鰹魚汁更能帶出鮮味。❁ 八寸職員話準備踏入秋季，呢度菜用咗秋天做主題，會見到好多石春、楓葉🍁、松果做裝飾，更加突顯四件前菜，由右邊開始食☺️法國蘆筍:用咗綠色嘅皮包住，原來喺凍食。炸粟米粒粒:食嘅時候暖暖地好香口。日式焗蛋: 製作精美，師傅長時間攪拌先至做到咁實淨，上面嗰啲係帆立貝汁😋好鮮味❁ 牡丹蝦他他米紙拎上手好靚好特別，由墨魚汁加西米做成米紙，上面加咗牡丹蝦他他，食落去帶鮮味，而且仲有魚子醬、枝豆、金箔做裝飾點綴，睇落去好奢華，食落味道都係一流。❁ 刺身賣相真係好靚，擺盤就好似喺池塘咁😆北海道帶子落咗少少竹炭鹽同柚子醋啫喱，食落去感覺清新帶子甜甜地。石垣鯛，輕輕卷住淡雪鹽就可以直接食原汁原味。靜岡
❁ 先付
賣相真係好靚，原來係魷魚麵，師傅將新鮮嘅魷魚切成一條條好似麵條咁樣，上面仲有少少銀箔、特製醬汁。底部係蓮芋，咬落去爽爽地好新鮮。側邊配上鰹魚汁，將魷魚輕輕沾上鰹魚汁更能帶出鮮味。
❁ 八寸
職員話準備踏入秋季，呢度菜用咗秋天做主題，會見到好多石春、楓葉🍁、松果做裝飾，更加突顯四件前菜，由右邊開始食☺️
法國蘆筍:用咗綠色嘅皮包住，原來喺凍食。
炸粟米粒粒:食嘅時候暖暖地好香口。
日式焗蛋: 製作精美，師傅長時間攪拌先至做到咁實淨，上面嗰啲係帆立貝汁😋好鮮味
❁ 牡丹蝦他他米紙
拎上手好靚好特別，由墨魚汁加西米做成米紙，上面加咗牡丹蝦他他，食落去帶鮮味，而且仲有魚子醬、枝豆、金箔做裝飾點綴，睇落去好奢華，食落味道都係一流。
❁ 刺身
賣相真係好靚，擺盤就好似喺池塘咁😆
北海道帶子落咗少少竹炭鹽同柚子醋啫喱，食落去感覺清新帶子甜甜地。
石垣鯛，輕輕卷住淡雪鹽就可以直接食原汁原味。靜岡金目鯛加咗少少醬油漬調味，之後再火炙魚皮，有少少焦香。
❁ 魚肉帶子丸
新鮮魚肉打成嘅魚丸，入面夾住大大粒帶子，好簡單已經有鮮甜味道。碗上面有一條稻穗，經200度高溫炸過，可以一粒粒搣出黎放落湯入面☺️
❁ 日本無花果天婦羅
諗唔到無花果都可以做天婦羅🙈天婦羅嘅粉好薄，一咬已經食到無花果嘅甜味，唔會覺得好油膩，下面係北海道白粟米，清清地平衡返。
❁ 脆鱗金鯛
金鯛都幾大件咬落魚皮香脆帶，配上法國手指羅白、蘆筍，令成個菜式變咗藝術品。側邊仲有啲柚子漬物同蓮藕漬物。
❁ 法國黑松露糯米飯
飯底用咗北海道糯米，加入菇同松露炒熱，最後面頭有師傅即刨松露片，令成個飯層次提升。
❁ 湯品
個碗真係超靚，個蓋好似有個心心咁食嘅時候好開心。
❁ 甜品
有梨、草莓、夕張蜜瓜，最特別就係佢個海鹽雪糕，藍色細細支好可愛。
📍 夢 (中環)
中環和安里1-3號德和大廈1樓101號舖
#懷石料理 #廚師發辦 #中環美食 #香港美食 #刺身
張貼
