影片
更多
2018-08-16
302 瀏覽
假日同男友買左戲票係豪華戲院睇戲，仲有成個幾鐘先開場，於是行過黎隔兩條街既呢殊食個tea。之前朋友試過夜晚黎呢度食甜品，d野食影到好吸引, 令我好動L左好一段時間，今次經開一於上黎又食又影自拍一下嘆番個靚tea扮下潮人。今次係第二次係呢座大廈食野，第一次黎係食任食韓國烤肉~~一出電梯就黎頂樓呢度，店面裝修得幾靚，一眼望出去外面環境都好開揚，直情望到對面海信德中心，堅係視覺好開揚舒服。呢個係檸檬意大利軟芝士泡沫草莓雪葩 一上檯見到好夢幻，咁大個女第一次食咁有仙境噴晒煙既甜品，感覺好唔真實，個feel實在太正即刻用手機錄番段片先，影完一大輪先食上碟附有士多啤梨汁係，可以自行倒入去中和控制甜酸味道 芝士味香，但食入口係淡淡既軟芝士+檸檬香，口感清新唔滯所有野打成泡沫口感好得意，好快就食晒面果浸士多啤梨雪葩，開頭以為會好酸，但出奇地只係微微既酸味，甜甜+酸酸，好開胃檸檬蛋白脆炸彈呢個好有趣，好似復活蛋咁，都幾大隻下要敲碎個殼先食，外面個殼好重檸檬蛋白香，入面係creamy既流心，鐘意玩花臣既girly都會鐘意仲有呢個榛子忌廉芝士慕絲蛋糕，d慕絲打得好滑入口即溶黎個近鏡~雖然無咁多花巧卓頭, 但
之前朋友試過夜晚黎呢度食甜品，d野食影到好吸引, 令我好動L左好一段時間，今次經開一於上黎又食又影自拍一下嘆番個靚tea扮下潮人。
今次係第二次係呢座大廈食野，第一次黎係食任食韓國烤肉~~
一出電梯就黎頂樓呢度，店面裝修得幾靚，一眼望出去外面環境都好開揚，直情望到對面海信德中心，堅係視覺好開揚舒服。
呢個係檸檬意大利軟芝士泡沫草莓雪葩 一上檯見到好夢幻，咁大個女第一次食咁有仙境噴晒煙既甜品，感覺好唔真實，個feel實在太正
即刻用手機錄番段片先，影完一大輪先食上碟附有士多啤梨汁係，可以自行倒入去中和控制甜酸味道
芝士味香，但食入口係淡淡既軟芝士+檸檬香，口感清新唔滯
所有野打成泡沫口感好得意，好快就食晒
面果浸士多啤梨雪葩，開頭以為會好酸，但出奇地只係微微既酸味，甜甜+酸酸，好開胃
檸檬蛋白脆炸彈呢個好有趣，好似復活蛋咁，都幾大隻下
要敲碎個殼先食，外面個殼好重檸檬蛋白香，入面係creamy既流心，鐘意玩花臣既girly都會鐘意
仲有呢個榛子忌廉芝士慕絲蛋糕，d慕絲打得好滑入口即溶
黎個近鏡~雖然無咁多花巧卓頭, 但味道極之一流，小弟個人最愛係呢款
Cookies’N Cream 杯嘢幾好味，成杯野都無冰，但又出奇地凍凍地keep冰度到唔會好快溶晒cream，無用冰濫竽充數整高杯野飲，貨真價實由頭到腳都係實料既奶&朱古力，朱古力味好濃稠，但又唔會太甜/滯
男友揀左杯呢杯Blueberry mojito，有別一般既mojito，呢杯內容餡料非常複雜，睇個樣就知，超多料，口味好清新，小弟我都偷飲左幾啖
望到對面海大廈既境，一路食tea，真係very自我感覺良好
浮誇既甜品+大大杯好繽紛既飲品，睇得又食得，味道唔錯，環境又靚，又可以坐下hea住傾計，讚！超推薦呢浮誇又有趣既甜品，每樣甜品都好有驚喜~~~女生嘛，一定會喜歡的。
張貼
