影片
更多
2022-08-28
20 瀏覽
已經係第二次光顧夢の丼，第一次光顧既時候已經覺得好驚艷，好impressive。因為無論係食物味道抑或質素都真係一流，但兩次光顧既時候人流都唔太多，真係覺得好可惜，所以真係好想好好推介呢間餐廳，令更多人前往品賞高質美食。雖然佢既丼飯刺身價錢的確稍貴，但真係真材實料，用料好充足亦好新鮮，食完會覺得值回票價。餐廳以木系作裝修主調，走日本簡約風格既路線。雖然裝修並唔奢華，但都坐得好舒服，由於人流唔太多，店員會將客人分得好開咁坐，呢點好貼心，亦到好符合防疫。夢之丼 ($298) 以餐廳店名命名，係餐廳既Signature，當然係必點之選。第一次食完已經覺得大讚，今次再次encore。夢之丼既材料包括：三文魚蓉、三文魚子、帆立貝、牡丹蝦、海膽、松葉蟹，以及左口魚邊。個丼飯真係同餐牌既圖片一模一樣，材料非常豐富，繁花似錦，每件刺身都非常新鮮鮮甜。帆立貝應該係我目前為止係香港食過最大粒、最厚身，非常之新鮮彈牙，鮮香肥美；從海膽既色澤已經睇得出佢新鮮，而且一點都唔會腥苦，反而都幾creamy 同甘甜；原隻牡丹蝦非常吸睛，蝦肉亦都好厚身好彈牙，蝦頭帶點蝦膏，蝦肉鮮美，蝦膏甘香；松葉蟹肉肉質細嫩，帶有淡淡
餐廳以木系作裝修主調，走日本簡約風格既路線。雖然裝修並唔奢華，但都坐得好舒服，由於人流唔太多，店員會將客人分得好開咁坐，呢點好貼心，亦到好符合防疫。
夢之丼 ($298)
以餐廳店名命名，係餐廳既Signature，當然係必點之選。第一次食完已經覺得大讚，今次再次encore。
夢之丼既材料包括：三文魚蓉、三文魚子、帆立貝、牡丹蝦、海膽、松葉蟹，以及左口魚邊。個丼飯真係同餐牌既圖片一模一樣，材料非常豐富，繁花似錦，每件刺身都非常新鮮鮮甜。
帆立貝應該係我目前為止係香港食過最大粒、最厚身，非常之新鮮彈牙，鮮香肥美；從海膽既色澤已經睇得出佢新鮮，而且一點都唔會腥苦，反而都幾creamy 同甘甜；原隻牡丹蝦非常吸睛，蝦肉亦都好厚身好彈牙，蝦頭帶點蝦膏，蝦肉鮮美，蝦膏甘香；松葉蟹肉肉質細嫩，帶有淡淡既鮮甜。每款刺身都好出色，令人回味無窮。
夢之丼附上一小杯橙醋，上面一小塊橙用黎塗抹係帆立貝表面，而果醋則係享用丼飯刺身前飲用，會令刺身鮮味更突出。橙醋既作用就見仁見智，但成件事好有態度好高級，睇得出餐廳對食物質素好用心，好有追求。
炎之丼($198)
因為唔想叫兩款都係刺身既丼飯，所以就叫左呢款火炙為主既丼飯，可以中和平衡一下。
炎之丼既用料包括：三文魚落、左口魚邊、牛油醬燒帆立貝、海膽醬甜蝦蓉以及蟹膏豆腐。丼飯以石鍋承載，同樣係圖文相符，所有用料都有炙燒過既味道，焦香可口。
三文魚落被微微炙燒過後，將三文魚既鮮味逼出，非常適合配飯；牛油醬燒帆立貝同樣非常厚身，無刺身帆立貝咁彈牙，但同樣好軟滑，牛油香味亦都同帆立貝好夾；左口魚邊非常之甘香，炙燒過後將魚油逼出，魚油味更加香濃，而且令魚肉更幼滑，有種入口即溶即感覺，令人垂涎欲滴。
蟹皇醬燒蟹膏豆腐($58)
係上面炎之丼既其中一樣食材，食完覺得好好味，特意再叫左呢款小食。 共有四件，每件都係一口size，非常方便。佢既豆腐豆味好香濃，表面舖滿了蟹膏以及芝士，經過輕輕炙燒，將蟹膏同芝士既味道融於豆腐之中，味道醇厚濃郁，口感既細滑又creamy ，非常驚喜。
串燒：雞皮(兩串$25) 及 雞軟骨 (兩串$28)
雖然佢既刺身丼飯價錢稍貴，但其他食物價錢其實唔貴。無諗過佢既串燒同樣咁出色，燒得剛剛好，唔會太淋亦唔會太油膩，雞皮燒得香脆，雞軟骨燒得爽脆，絕對唔會遜色於其他串燒店。
每款丼飯都會奉送沙律及麵豉湯，我之所以咁推介呢間餐廳，係因為佢用料真係好用心，連奉送既沙律同麵豉湯都唔馬虎。麵豉湯除左一般既海帶及豆腐，仲有啲小蜆肉係入面，令個湯更鮮甜；而沙律亦用左蘆薈取代雜果，而且份量都唔少，美中不足係佢用醋而唔係用芝麻醬。
飲品：巨峰梳打特飲($26)
甜品同飲品價錢亦相當合理，由於太飽我地只係叫左飲品，佢既飲品亦都同餐牌展示既一樣，漸變既粉紫色，好睇又好飲。
PS: 餐廳位置非常方便，係地鐵站行兩分鐘就可以到達
PS2: 如果想試多幾款丼飯，其實可以試下叫佢既迷你丼飯，同樣非常吸引
PS3: 餐廳既洗手間亦都非常乾淨企理，採用日本馬桶，個感覺好似係日本用緊餐咁
張貼
