影片
更多
2021-07-20
42 瀏覽
呢間嘅門面好有氣勢，又有特色，而且一直係心水想試既其中list !!!!新鮮豬骨湯底聽聞呢一間嘅食物好新鮮，決定以清湯試一試。湯底配料好多，有冬菇、火腿片、大涌、蝦米仔，建議滾起飲返碗先，因為真係好鮮甜，食完成餐飯都唔會覺得口渴。黃喉新鮮上枱，清洗得非常乾淨，只要淥10至15秒就食得，口感非常爽口彈牙，冇任何腥臭味！老油鬼鬼係油炸鬼裏面釀咗墨魚滑，墨魚滑之上仲有蟹子，建議放落窩嘅時候將墨魚滑向湯底。瘋狂辣牛肉上枱已經感受到佢嗰種辣，因為真係有好多辣粉包住整片牛肉，辣味會慢慢滲入口腔，食落牛香濃郁，肉質淋軟，同時間個清湯底亦都會加上咗一陣辣味，好滋味！西班牙黑毛豬豬腩肉豬肉好薄身，唔需要淥好耐都唔擔心肉質好乾，腩位部份爽口，黑毛豬帶有既個份豚香亦明顯更濃，肉色粉嫩。手工萵筍打邊爐必食之一，上台見到個攞盤都唔捨得破壞佢。餐廳將萵筍切設成條狀再捲起形成花嘅形狀（個人口感鍾意淋身少少所以煮耐啲）食嘅時候已經吸晒湯底嘅鮮味，淋淋綿綿。鹹蛋流沙丸好少見到亦都未買過，見佢流沙緊係要試一試。丸子會稍為發脹，建議先咬開一半，鹹蛋黃嘅醬會慢慢流出，味道夠濃，亦夠鹹香！新鮮炸響鈴每一條都新鮮炸起，超級脆而且
新鮮豬骨湯底
聽聞呢一間嘅食物好新鮮，決定以清湯試一試。湯底配料好多，有冬菇、火腿片、大涌、蝦米仔，建議滾起飲返碗先，因為真係好鮮甜，食完成餐飯都唔會覺得口渴。
黃喉
新鮮上枱，清洗得非常乾淨，只要淥10至15秒就食得，口感非常爽口彈牙，冇任何腥臭味！
老油鬼鬼
係油炸鬼裏面釀咗墨魚滑，墨魚滑之上仲有蟹子，建議放落窩嘅時候將墨魚滑向湯底。
瘋狂辣牛肉
上枱已經感受到佢嗰種辣，因為真係有好多辣粉包住整片牛肉，辣味會慢慢滲入口腔，食落牛香濃郁，肉質淋軟，同時間個清湯底亦都會加上咗一陣辣味，好滋味！
西班牙黑毛豬豬腩肉
豬肉好薄身，唔需要淥好耐都唔擔心肉質好乾，腩位部份爽口，黑毛豬帶有既個份豚香亦明顯更濃，肉色粉嫩。
手工萵筍
打邊爐必食之一，上台見到個攞盤都唔捨得破壞佢。餐廳將萵筍切設成條狀再捲起形成花嘅形狀（個人口感鍾意淋身少少所以煮耐啲）食嘅時候已經吸晒湯底嘅鮮味，淋淋綿綿。
鹹蛋流沙丸
好少見到亦都未買過，見佢流沙緊係要試一試。丸子會稍為發脹，建議先咬開一半，鹹蛋黃嘅醬會慢慢流出，味道夠濃，亦夠鹹香！
新鮮炸響鈴
每一條都新鮮炸起，超級脆而且有用過隔油紙索一索，所以油膩感即時減少，建議浸2秒就要拎上嚟，咁就食得出一層一層嘅脆口！平時食嘅包裝響鈴會有浸油溢味，呢個就完全無啦！
💡調味費用每位$25，仲有時令水果，當晚用餐有巨鋒提子同鮮甜西瓜！
張貼
