旺角海鮮菜館

我家住太子，這飯店裝修前食過一餐晚餐，感覺不過不失，裝修後沒有太大衝動再試。今日行過見到$398有隻波士頓龍蝦食下，雖然要9:15後，反正食左tea，夜點就夜點，反正價性比幾高。

夠鐘再到飯店，看到打左米芝蓮大廚牌頭，估計裝後可能有新班底，點了$398餐，白胡椒波士頓龍蝦粉絲，灼豬粉腸，灼豬脷，豉椒炒蜆，泥鰍粥，食評睇圖片。重點是胡椒煲一上，一開蓋再啫起來，香味已令人好想熱住都想食，可想而知大廚功力不錯。

服務員好主動換骨碟，亦不時窩心問你味道如何，有需要再叫佢地。埋單兩位茶錢$20，花生$20，加一$40，$480埋單，味道十足，份量足夠，吾可以話好平，但質素合理，今次令我有回頭的衝動。

肉質嫩滑吾過火，配少少豉油，邪惡食品之一。

清洗不錯，冇沙冇異味，幼滑粉口，邪惡食物之一。

一開蓋有香濃胡椒香味，配以香茅、九層塔焗香。龍蝦新鮮彈口，絕對活口，粉絲吸盡配料香味，反而食到底有少少咸。

蜆肉大隻肥美，接近細花甲大細，冇沙，味道剛好。

這個到枱其實有點驚喜，粥底棉滑，似足老牌粥鋪出品，配有兩條泥鰍，粥底有魚味，份量其實同粥鋪賣的分別不大。